भांगरभूंय | प्रतिनिधी
वास्कोः मुरगांव नागरीक शिगमोत्सव समिती वतीन मंगळारा वास्को शारांत धुळवड व्हडा उमेदीन मनयली. सकाळी वास्कोचो ग्रामदेव श्री दामोदराक पंचायत मंत्री माविन गुदिन्हो, आमदार संकल्प आमोणकार आनी कृष्णा (दाजी) साळकार हांणी हेरा वांगडा गुलाल ओपलो आनी धुळवड मिरवणुकेक सुरवात केली.
शिगमोत्सव समितीचो अध्यक्ष कृष्णा साळकर, समितीचे प्रकाश गांव, चंद्रकांत गवस,शेखर खडपकार, शैलेंद्र गोवेकार,उमेश साळगांवकार, संकल्प आमोणकर, तारा केरकार, प्रभाकर मळीक,दामू कोचरेकार,अरविंद शिंदे,उदय फडते,नीलम नायक, विष्णु गारुडी हे मिरवणुकेंत वांटेकार जाल्ले.स्वातंत्र्य पथ मार्गान मिरवणुकेक सुरुवात जाली. एच नंदा हाच्या डायमंड आर्केष्ट्रान मिरवणुकेंतत पदां सादर करून नागरिकांची मनरिजव केली. सेंट अॅण्ड्यू चर्च, एफएल गोम्स मार्ग, हॉटेल महाराज अशी मिरवणुक व्हरून जोशी चौकांत ती सोपली. शेकड्यांनी लोकांनी एकमेकांक रंग लावून धुवळड मनयली.
——————
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
