भांगरभूंय | प्रतिनिधी
भांगरभूंय । प्रतिनिधी
पोरणे गोंयः सान्त आंद्रे मतदारसंघांतल्या कांय वाठारांनी पियेवपाच्या उदकाचो उणाव जाल्ल्यान आमदार विरेश बोरकार हाका घेवन लोकांनी बांदकाम खात्याच्या उदका पुरवण विभागांत वचून अधिकाऱ्यांक ते विशीं जाप विचारली. आमदार बोरकार आनी अधिकाऱ्यां मदीं ह्या वेळार बरीच तापातापी जाली.
मतदारसंघाल्या उदका उणाव आसा ही म्हायती अधिकाऱ्यांक दिल्ली आनी तांणी आठ दिसां भिरत फावो ती उपाय येजवण करपाचें उतर दिल्लें. बांदकाम खात्याच्या मुखेल अभियंत्यान आतां उदका प्रश्न 15 मार्च मेरेन सुटावो करपाचें उतर दिलां अशी म्हायती बोरकारान दिली.
उदक मेळना म्हणून लोक सेगीत फोन करपाक लागल्ल्यान नक्की किदें जालां हें विचारपाक आपूण लोकां वांगडा म्हाका उदका पुरवण विभागांत येवचें पडलें. मतदारसंघांतलो उदका पुरवणेचो प्रश्न सुटावो जाय मेरेन व्हडले निवासी प्रकल्प बांदपाक परवाने दिवचे न्हय अशी मागणी आमी केल्या अशें ताणे सांगलें. नगर नियोजन खात्यान परवाने दिवचे न्हय अशें कळीत करपाक मुख्य अभियंत्यान आमकां सांगलां. सान्त आंद्रे मतदारसंघातलो पियेवपाच्या उदकाचो प्रश्न 15 मार्च मेरेन सुटावो केलो ना जाल्यार बांदकाम खात्याच्या उदका पुरवण विभागांत आमी येतले तशेंच विधानसभेच्या अर्थसंकल्पीय अधिवेशनात आपूण उदका प्रश्न मांडटलों अशें ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
