भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी अर्बन सहकारी पतपुरवण सोसायटीचे आठ संचालक वेचून काडपा खातीर जाल्ले वेंचणुकेंत आदलेच संचालक परत वेंचून आयले. वाळपय, होंडा, साखळी, म्हापशें, दिवचल आनी फोडे ह्या मतदान केंद्रांत ही वेंचणूक जाली. वट्ट 16 उमेदवारांनी वेंचणूक लडयल्ली.
आदल्या संचालक मंडळांतले अँड यशवंत गांवस (2908), वासुदेव परब (2786),श्रीपाद सावंत (2697), कृष्णा गांवस (2786), प्रेमनाथ हजारे (2954), म्हाळू गांवस (2801)अँड.काशिनाथ म्हाळशेकार (2749), गोविंद कोरगांवकार (2830) हे परत वेंचून आयले. विरोधी पॅनलांतल्या अंकुश धुरी, सीताराम गांवस, ब्रिजेश सावंत, अकबर ता, संतोष गांवकार, उदय पोकळे आनी अफसर खान हाकां हार खावची पडली.
बायल विभागांतल्यान सपना वासुदेव परब आनी अंकिता आत्माराम गांवस आनी अनुसूचीत जाती- जमात विभाघांतल्यान नितीन शिवडेकार हे उमेदवार बिनविरोध वेंचून आयले. सोसायटीच्या भागधारकांनी परत एक फावट जो विस्वास दाखयला ते खातीर नवनिर्वाचीत संचालकांनी तांचें उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
