भांगरभूंय | प्रतिनिधी
भांगरभूंय । खबरां मेज
पणजीः गोंयचे पयले मुख्यमंत्री सर्गेस्त दयानंत ऊर्फ भाऊसाहेब बांदोडकार हांचेर तांची धाकली चली ज्योती बांदेकार हिणे बरयल्ल्या ‘भाऊ आठवांचा पारिजात’ह्या मराठी पुस्तकाचें प्रकाश आयतार 12 मार्चाक सकाळीं 10.30 वरांचेर दोनपावला हांगच्या गोंय इंटरनॅशनल सेंटरांत जातलें.
हे पुस्तक प्रकाशन कार्यावळीक मुखेल सोयरे म्हणून मुख्यमंत्री डॉ प्रमोद सावंत तशेंच नामनेचे लेखक सोमानाथ कोमरपंत हाजीर रावतले. आपूण शाळेंत शिकतालें तेन्ना म्हजो बापूय, भाऊचेर कविता आनी लेख बरयतालें. ते वाचून घरचीं कवतूक करतालीं. ताका लागून हें पुस्तक बरोवपाची प्रेरणा म्हाका मेळ्ळी अशें पुस्तकाची लेखिका ज्योती बांदेकार हिणे सांगलां.भाऊ विशीं आनी तांचे राजकी जिणे विशीं बरेंच कितें बरयलां तरी ताचे वैयक्तीक आनी सामाजिक जिणे विशीं खूब कमी बरयलां.’भाऊ आठवांचा पारिजात’ पुस्तकांतल्यान हावें भाऊची वैयक्तीक आनी सामाजीक जिणे विशीं म्हज्या लक्षांत आशिल्लो यादी आनी घडणुको शब्दबद्ध करपाचो यत्न केला अशें ज्योती बांदेकारान सांगला.
ज्योती बांदेकार गोंयची पयली मुख्यमंत्री सर्गेस्त शशिकलाताई काकोडकाराची धाकटी भयण. ती वास्को रावपी उद्देजिका आसा. सिटिझन कॉऑपरेटिव्ही बँकेची आदली अध्यक्ष आनी फाटल्या 30 वर्सां सावन संचालक आसा. गोंयच्या सामाजीक, सास्कृतीक आनी शिक्षणीक मळार तिणे म्हत्वाचें योगदान दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
