भांगरभूंय | प्रतिनिधी
भांगरभूंय । प्रतिनिधी
पोरणे गोंयः गवळेभाट- चिंबल हांगा आशिल्ल्या पेपर उत्पादक गुदांवाक सोमाराक फातोडेर उजो लागलो. रातीं उसरां मेरेन तो पालोवपाचें काम उजो पालोवपी दलाचे जवान करताले. उजो नियंत्रणा खाला हाडपा खातीर उजांची 13 टेन्डरा हाडचीं पडलीं अशी म्हायती पोरण्या गोंयच्या उजो पालोवपी कार्यलयान दिली.
पोरण्या गोंतांतलीं 7, पणजेची 5 आनी कुंडयचें एक टेन्डरां हाडून सुमार 70 हजार लिटर उदक उजो पालोवपा खातीर लागलें. तरीय उजो पुराय तरेन नियंत्रणा खाला हा़डप शक्य जालें ना अशें उजो पालोवपी दलाच्या एका अधिकाऱ्यान सांगलें. गुदांवाच्या धनयान आपलें 25 लाख रुपयांचें लुकसाण जालां अशें सांगलां.
पोरण्या गोंयच्या उजो पालोवपी कार्यालयाचो फायर स्टेशन अधिकारी रवी एच नायक, सब ऑफिसर पांडुरंग काणकोणकार, पणजी स्टेशनातले रुपेश सावंत, कुंडय स्टेशनाचो गणेश गोवेकार हांच्या मार्गदर्शना खाला उजो पालोवपाचे काम चलिल्लें.
मजगतीं कुंडयच्या उद्देगीक वसणुकेंत च्याच्या गाड्याक शेनवारा सांजे उजो लागलो. गाड्यांत चार गॅस सिलिंडर आशिल्ले तांचो स्फोट जावचे पयलीं ते जवानांनी थंयच्यान काडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
