भांगरभूंय | प्रतिनिधी
लाखांनी रुपयांचें लुकसाण
भांगरभूंय । प्रतिनिधी
पेडणें: भोम देवसू वाठारांतले काजू बागायतीक शुक्रारा उजो लागून लाखांनी रुपयांचें लुकसाण जालें.
दनपारच्या कडार अज्ञात मनशान काजू बागायतीक उजो घातलो. ह्या उज्यांत खूबश्यो काजी लासून गोबर जाल्यो. वाऱ्याच्या नेटाक लागून हो उजो पुराय बागायतींत पातळ्ळो. काजू बागायतदारान उजो पालोवपाचो यत्न केलो, पूण ताका येस येवंक ना. उजो पालोवपी दळाच्या जवानांक आपयले, पूण बंब थंय पावपाक शकलो ना. ताका लागून लाखांनी रुपयांच्यो काजी लासून गोबर जाल्यो. रस्त्याचे कुशीक आनी भोंवतणच्या वाठारांतलो उजो जवानांनी पालयलो. उजो लागून गोबर जाल्ल्या काजींची सरकारी यंत्रणेन पळोवणी करची आनी काजू बागायतदारांक अर्थीक मजत करची, अशी मागणी उमेश तळवणेंकार हांणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
