भांगरभूंय | प्रतिनिधी
भांगरभूंय । प्रतिनिधी
म्हापशेंः कोलवाल हांगा आशिल्ल्या 14 बेकायदेशीर कावला अड्यांची वीज कनेक्शनां वीज खात्यान तोडली. बार्देशच्या उपजिल्होधिकाऱ्यान हीं कनेक्शना तोडपाक खात्यान सांगल्लें, वीज अधिकाऱ्यांनी आदेशाची अंमलबजावणी आडावन धरिल्ली मात सांजे तीं तोडलीं.
फाटल्या डिसेंबर म्हयन्यांत मुशीरवाडो- कोलवाळ हांगच्या रिझवान प्लास्टिक इंडस्ट्री ह्या कावल अड्ड्याक उजो लागून चार अड्डे लासल्ले आनी एका कामगाराक मरण आयिल्लें. हाचे उपरांत उपजिल्होधिकाऱ्याच्याआदेशा उपरांत वीज आनी बादकाम खात्यान सगल्या अड्याचें वीज कनेक्शन तोडल्लें. मात कांय दिसांनी ती परत सुरू केल्लीं. काँग्रेस पक्षाचो म्हणयारो संजय बर्डेन ह्या अड्यांक दिल्ल्या वीज कनेक्शना आड उपजिल्होधिकारी, म्हापसें विभागीय पुलीस, दक्षता खातें आनी हेर संबंदिता कडेन कगाळ केल्ली. उपजिल्होधिकाऱ्यान दिल्ले आदेशा प्रमाण वीज खात्यान कनेक्शनां तोडपाची नोटीस जारी केल्ली. हेर बेकायदेशीर अड्यांची वीज तोडटले अशी म्हायती आसा.
संजय बर्डे हांणी केल्ले कागाळेचेर सोमार 6 मार्चाक सकाळीं सुनावणी जावपाची आसा. त्या वेळार वीज खातें आनी बर्डे हाका जाय ती कागदपत्रां सयत हजर रावपाक सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
