भांगरभूंय | प्रतिनिधी
भांगरभूंय । प्रतिनिधी
पणजीः गोंयांत 1 जानेवारी तें 2 मार्य ह्या 61 दिसांत 518 अपघात जाले. तातूंतले 61 भिरांकूळ आशिल्ले आनी तातूंत 64 जाणांक मरण आयलें.
सरासरी काडल्यार दिसाक 9 अपघात जाले, तशेंच 22 वरांत एकल्याक अपघाती मरण आयलें. पोरूं ह्याच तेपाचे तुळेंत अपघाताचें प्रमाण मात्शें उणे जालें तरी भिरांकूळ अपघात दुपेटीन वाडल्ल्याचें सामकार आयलां. मुख्यमंत्री डॉ प्रमोद सावंत हांणी राज्यांतल्या रस्त्याचें ऑडिट करपाचो आदेश दिला. यत्न करून लेगीत राज्यांतलें अपघातांचें प्रमाण उणे जायना अशें दिसून आयलां.
61 दिसांत जाल्ल्या अपघातांत 75 जाणांक गंभीर दुखापत जाली. शंबर किरकोळ अपघातांत 166 जाणांक दुखापत जाली. 303 अपघातांत वाहनाचें लुकसाण जालें. पोरूं 1 जानेवार तें 2 मार्च मजगतीं 522 ल्हान-व्हड अपघात जाल्ले. तातूंतल्या 28 अपघातांत 31 जाणांक मरण आयिल्लें. पोरूंचे तुळेंय ह्या तेंपार जाल्ले अपघात उणे जाले तरी भिरांकूळ अपघातांत वाड जाल्या अशें दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
