भांगरभूंय | प्रतिनिधी
भांगरभूंय । प्रतिनिधी
पणजीः उत्तर गोंयांत एके 17 वर्सां पिरायेचे चलयेचेर बलात्कार केल्ले खातीर 24 वर्सां पिरायेच्या तरणाट्याक पॉक्सो न्यायालयान दिल्ली 10 वर्सां बंदणीची ख्यास्त निलंबीत करून ताची 25 हजारांचो जामीन आनी हेर अटीचेर ताका जामीन मंजूर केला.
ह्या तरणाट्यांत 2018 वर्सा चलयचें अपहरण करून वेगवेगळ्या सुवातांनी व्हरून तिचेर लिंगीक अत्याचार केल्लो. तें गुरवार जातगीर ताणे ताचे कडेन लग्न करपाक न्हयकार दिलो. साळगांव पुलिसांनी तरणाट्याचेर गुन्यांव नोंद करून ताका अटक करून न्यायालयांत आरोपपत्र दाखल केल्लें. पॉक्सो न्यायालयाची दुर्गा मडकयकारान तरणाट्याक दोशी थारावन ताका 10 वर्सांची बंदखण आनी 1 लाख रुपयांचो दंड फर्मायल्लो.
हे ख्यास्तीक तरणाट्यान मुंबय उच्च न्यायालयाच्या गोंय खंडपिठान आव्हान दिल्लें. चलयेक जाल्ल्या भुरग्याची आनी तरणाट्याची डीएनए चांचणी करूक ना असो युक्तिवाद अॅड रायन मिनेझीस हांणे खंडपिठांत केलो. चली आनी तरणाट्याचो मोग आशिल्लो.ती स्वता ताच्या वांगडा गेल्लें. ती सान आशिल्ल्याचें गृहीत धरून पोस्को न्यायालयान तरणाट्याक ख्सास्त दिल्ली अशें तांणी खंडपिठाक सांगलें. ते उपरांत ताची खास्य निलंबीत करून ताका 25 हजारांच्या जामिनाचेर सोडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
