भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापशेंच्या डिटेन्शन केंद्रांतल्यान डिमिट्री आलेक्झांड्रोव्ह व्हा रशियन नागरीक पळ्ळो. केंद्राचे कुडींतले लोखणाचे जाळेचे कुलूप तोडून आनी नळांच्या पाख्याची लोकणाची रीप कापून ताणे फुज्ज्यो काडलो. बुधवारा सांजे 4 तें 6.30 मजगतीं हो प्रकार जालो. राज्यांत बेकायदेशीर वास्तव्य करून रावपी विदेशी नागरिरांक धरून तांका तांच्या देशांत धाड मेरेन ह्या केंद्रांत दवोरतात.
डिमिट्री फाटल्या 20 दिसां सावन ह्या केंद्रांत आशिल्लो. ताच्या वांगडा कुडीत एक इटालियन नागरीकाक दवोरल्लें. बुधवारा जेवल्या उपरांत रशियन नागरीक दिश्टी पडलो ना. केंद्रांतल्या कर्मचाऱ्यांक दुबाव आयलो. कूडींत वचून पळयल्यार तो गायब जाल्लो, पंख्याखाल लायल्ली जाळी उगडी आशिल्ले आनी कुलूप कापल्लें. केंद्राच्या फाटले वटेन आशिल्ल्या गॅरेजी वटेन रशियन नागरीक पळून गेल्ल्याचें चवकशी केली तेन्ना कळ्ळें.
केंद्रांत विदेशी नागरीक नोंदणी अधिकारी कार्यालया वतीन नियुक्त केल्ले पुलीस उपनिरीश्रक मेर्विन डिसा हांणे म्हापशें पुलिसांत कागाळ केली ताचे वयल्यान रशियन नागरिका आड गुन्यांव नोंद केल्या.
————————————————————-
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
