भांगरभूंय | प्रतिनिधी
संवसारीक पांवड्या वयलो खेळगडो, अर्जेन्टिना फुटबॉल पंगडाचो कर्णधार लियोनेल मेसीन परत एक फावट फिफाच्या पुरस्काराचेर आपलें वर्चस्व तिगोवन दवरलां. ताणें पुर्तुगालाचो क्रिस्तियानो रोनाल्डो हाचेर मात करून सातवे खेपे फिफाचो ‘उत्कृश्ठ खेळगडो’ पुरस्कार मेळयलो. फिफा वतीन ‘द बेस्ट’ ह्या नांवान फामाद आशिल्लो पुरस्कार अर्जेन्टिनाच्या मेसी हाका फावो जालो.
मेसीक हाचे आदीं 2009, 2010, 2011, 2012, 2015 आनी 2019 वर्सा हो पुरस्कार फावो जाल्लो. हे संबंदी ताणें करीम बेंझेमा आनी एमबापेला हांकां मात करून हो प्रतिश्ठीत पुरस्कार मेळयलो. तशेंच ह्या वर्साच्या फिफा पुरस्कारांत संवसारीक विजेतो अर्जेन्टिना पंगडाचो शेक आशिल्लो. कारण, पंगडाक बेस्ट गोलकीपर पुरस्कार
तशेंच प्रशिक्षक आनी फॅन्स पुरस्कार मेळ्ळो. अर्जेन्टिनाक फायनल जिखून दिवपाक गोलकीपर एमिलियानो मार्टिनेज हाचें मोलादीक योगदान आशिल्लें. ताका सगळ्यांत बरो गोलकीपर हो पुरस्कार फावो जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
