भांगरभूंय | प्रतिनिधी
न्यूयॉर्कांत हे खेपे गिमाच्या दिसांनी असामान्य रितीन उसरां बर्फ पडलो. काल सकाळीं न्यूयॉर्कांत बर्फ पडलो. उपनगरांतल्यान शारांत येवपी लोकांक प्रवासांत निसरपी रस्त्यांचेर जतनाय घेवपाचो सल्लो हवामान खात्यान दिलां. जायत्या शाळांक सुटी दिल्यां. बर्फा वांगडा पावस येवपाची शक्यताय आसा.
अमेरिकेंत सादारणपणान 15 डिसेंबर सावन बर्फ पडपाक सुरवात जाता. पूण हे खेपे 31 जानेवारी मेरेन बर्फ पडलो ना. हे खेपे बर्फ पडूंक नाशिल्ल्यान 50 वर्सां पोरणो विक्रम मोडलो. 1972 वर्सा उपरांत पयलेच खेपे सलग 326 दीस बर्फ पडलो ना.
अमेरिकेच्या हेर वाठारांनी कुलकुल्याची थंडी आनी बर्फ पडला. हवामान खात्यान ईशान्येतल्या वाठारांत स इंचा मेरेन बर्फ पडपाचो अदमास उक्तायला. दुसरे वटेन ओक्लाहोमांत बर्फाच्या वादळाक लागून लोकांक त्रास जाला. टेक्सासांत वादळाचो वेग वरांक 183 किमी उरलो. वादळाक लागून लायट गेल्ल्यान 1.58 लाख लोक काळखांत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
