भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापशें शारांतल्या डॉ राममनोहर लोहिया सोडून हेर गार्डनाची देखभाल आनी सोबितीकरणाचे काम वेवसायिक सामाजीक जापसालदारी (सीएसआर) खाला खाजगी कंपनी कडेन दिवपाचो थाराव मंगळाराक नगराध्यक्ष प्रिया मिशाळ हिचे येजमानके खाला जाल्ले म्हापशें पालिका मंडळाचे बसकेंत घेतलो
गार्डना सीएसआर खाला देखभाली खातीर दिवपा पयलीं पालिके वतीन अटी आनी नेम घालून दिवचे आनी उपरांत खाजगी कंपन्याक प्रस्ताव धाडपाचो बसकेंत थारले.
कोर्टा कडेले गार्डन, रुही पार्क, क्लॉक टॉवर, चाचा नेहरू पार्काची देखभाल सीएसआर खाला आतां जातली. पालिका वाठारांतले रस्ते आनी पार्किग सुवातेर आशिल्ली बेवारस वाहनां एक सुवात दिवंन थंय व्हरून उडोवपाक येरादारी पुलिसांक सांगपा विशीं बसकेंत चर्चा जाली. 31 मार्च मेरेन कोर्ट जंक्शना कडली सिग्नल यंत्रणा चालीक लावपाचें उतर नगराध्यक्ष प्रिया मिशाळान दिलें.
बसकेंत नगरसेवक शशांक नार्वेकारान म्हादय संबंदीचो प्रस्ताव मांडपाचो यत्न केलो. मात सभेच्या अजेंडात म्हादयचो विशय घेवन प्रस्ताव पास करया अशें मिशाळ हिणे ताका सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
