भांगरभूंय | प्रतिनिधी
फोंडेंः कोडार- बेतोडें वाठारांत दूदसागर न्हंयेचेर न्हांवपाक येवपाक लोकांची सुरू केलां. न्हांवपाक येल्ले कडेन बुडून मरपाचे प्रकार वाडपाक लागल्ल्यान कृशी खात्यान न्हंयचे देगेर वचपाचे आपले जमनींतले वाटेर वय घालून ती बंद केल्ली. मात सध्या लोक दुसरे वटेन दुरीग हुपून न्हंयचे कडेन वचपाक लागल्यात.
कोडार हांगा दूदसागर न्हंयेंत न्हांवपाक येवपी बऱ्याच जाणांक बुडून मरण आयलां. कृशी खात्याच्या फार्मा लागीं आशिल्ल्या दूदसागर न्हंयेत गिमाळ्यात व्हडा प्रमाणांत लोक येतात. आयतार आनी सुटयेच्या दिसांनी चड लोक न्हांवपाक येतात. न्हांवपाक येवपाच्या निमतान पार्ट्यो करून सोऱ्याचे घुंवळेंत काय जाणे पेंवपाक वतात आनी बुडून मरतात.
न्हांवपाच्या नांवान सोरो पिऊन उदकांत देवपाचें काम चड करून तरणाटे करतात. कोडार हांगा दर वर्सा लोक बुडपाचे प्रकार घडटात. ताका ती न्हांवपाक धोक्याची सुवात जाल्या. मात लोक थंय येवपाचें मात सोडनात. आयतार आनी हेर सुटयेच्या दिसांनी ह्या वाठारांत पुलीस गस्त सुरू करपाची थळाव्या लोकांची मागणी आसा.
ह्या सुवातेर फाटीं एकदां तीन भुरगे बुडून मरपाची घडणूक जाल्ली. कोडार हांगा न्हंयेचेर वचपाची वाट बंद करतले अशेंंबेतोडा पंचायतीचो सरपंच उमेश गावडे हांणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
