भांगरभूंय | प्रतिनिधी
खबरां संस्था
केपटावनः दक्षीण आफ्रिकेक 19 धांवड्यांनी हारोवन 6 फावटी बायलांचे टी-20 वर्ल्ड कपांत चॅम्पियन थारल्ल्या आस्ट्रेलियन पंगडाक इनाम म्हणून 8 कोटी 27 लाख म्हणून मेळ्ळ्यात. उप जैतिवंत दक्षीण आफ्रिकेक 4 कोटी 13 लाख रुपया मेळ्ळ्यात. आयसीसीन टी-20 वर्ल्ड कपाच्या इनामाची रक्कम 20 कोटी 28 लाख (24.5 दशलक्ष अमेरिकन डॉलर) दवोरिल्ली
सेमी फायनलींत पावपी दरेका पंगडाक 1.73 कोटी रुपया दिले. ग्रुप टप्पो हुबवाक शकनाशिल्ल्या पंगडांक लेगींत 24.83 लाख रुपाय तशेंच गट मॅची जिखपी जिखपी पंगडांक 14.48 लाख रुपया मेळ्ळ्यांत. हरमनप्रीत कौराच्या फुडारपणा खेळल्ल्या भारतीय पंगडाक 2 कोटी 25 लाख रुयये इनाम म्हणून मेळ्ळ्यात.
चॅम्पियनशीपचे मॅचींत ऑस्ट्रेलियेच्या जैताचो मुकूट ओपनर बेथ मुनीचे तकलेर सजलो. तिण पुराय सर्तींत बरी बॅटिंग केली. फायनलींत ताणे 53 बॉलांत नांबाद 74 धांवड्यो केल्यो. 20 वे ओव्हरींत पंगडाक 156 धांवड्या मेरेन व्हरपाक ताणे योगदान दिलें. टी-20 संवसारीक सर्तीच्या इतिहासांत दोन फायनलींत अर्द शेंकडो करपी ते पयलें बायल क्रिकेटीयर थारलें. वुमन ऑफ दी मॅच म्हणून ताका भोवमानीत केलें.
सर्तींत अश्टतासी कामगिरी खातीरआस्ट्रेलियेची ऍशले गार्डनराक बॅस्ट वुमन खेळगडी म्हणून भोवमानीत केले. ताणे टी-20 संवसारीक करंड सर्तींत 110 धांवड्यो केल्यो आनी 10 विकेटी घेतल्यो. मेगन शूट उपरांत सर्तींत सगल्यांत चड विकेटी घेवपी ते खेळगडी आशिल्लं. इंग्लंडाच्या सोफी एक्लेस्टेना 11 विकेटीं सयत सर्तींत सगल्यांत येसस्वी बॉलर थारले. ऍशले गार्डनरान पर्ल हांगा न्यूझिलडा आड 12 धांवड्यांत 5 विकेटी घेतिल्ल्यो.
पुरस्कारांची वळेऱी
वुमन ऑफ दी मॅच (फायनल) बेथ मुनी (ऑस्ट्रेलिया) नाबाद 74. सर्तीतली उत्कृश्ट खेळगडी- ऍश गार्डनर (ऑस्ट्रेलिया): 110 धांवड्यो आनी 10 विकेटी. सगल्यांत चड धांवड्यो लॉरा वोल्वाड (दक्षीण आफ्रिका) 230 धांवड्यो. सगल्यांत चड विकेटी- सोफी एक्लेस्टोन (इंग्लंड) 11 विकेटी. सगल्यांत चड धांवड्यो- मुनिबा अली (पाकिस्तान) 102 धांवड्यो. बॅटिंग स्ट्रायक रेट- आयशा नसीम (पाकिस्तान) 181.48. सगल्यांत चड सके- लॉरा वोल्वाड (दक्षीण आफ्रिका) 5. सगल्यांत चड चोके- नॅट सायव्हर- ब्रट (इंग्लंड) 28. सगल्यांत चड अर्द शेकडे- लॉरा वूलवर्ड आनी बेथ मुनी- 3. बरी बॉलींग- अॅश गार्डनर (ऑस्ट्रेलिया) 4-12
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
