भांगरभूंय | प्रतिनिधी
भांगरभूंय । प्रतिनिधी
केरी-सत्तरीः साखळेच्या ईगल क्लबाची ईगल प्रीमियर लीग क्रिकेट सर्त 25 मार्चा सावन सुरू जातली. सप्तकांतल्या शुक्रार, शेनवार आनी आयताराक सर्तींतल्यो मॅची नगरपालिका मैदानार जातल्यो. सर्तींत 12 फ्रेंचायशीचे पंगड वांटेकार जातले. 10 मार्चाक सांजे 5 वरां मेरेन पंगड धनयांक आपल्या खेळगड्यांची वळेरी सादर करची पडटली. 12 मार्चाक जेडी हॉल, देसायनगर हांगा सकाळीं 10 वरांचेर बाकीच्या खेळगड्यांची पावणी जातली.
साखळी मतदारसंघ, तशेंच पर्यें, केरी, होंडा, पिसुर्लें, मोलें आनी कारापूर-सर्वण पंचायत वाठारांतल्या खेळगड्यांक सर्तींत वांटो घेवपाक मेळटलो. सर्तींतल्या जैतिवंत पंगडाक जोगिंदर ब्लॅगन यादस्तीक प्रवीण ब्लॅगन पुरस्कृत 77,777 रुपयांचे पयलें इनाम, उपजैतिवंत पंगडाक जवाहर (पंडित) देसाय यादस्तीक यशवंत (लाला) देसाय पुरस्कृत 44,444 रुपयाचें इनाम आसतलें. आकाश गार्मेंटाचो धनी बाळासाहेब सावंत हाणे उपजैतिवंत पंगडाक करंड पुरस्कृत केला. दरेका मॅचींतल्या मन ऑफ दी मॅच खातीर दरेकल्याक 5 हजाराचें रोक इनाम दितले.
पंगड विकतो घेवपा खातीर जांकां इत्सा आसा तांणी आयोजक समिती कडेन संपर्क सादून आनी सगल्या खेळगड्याचें प्रोफायल फॉर्म भरून समितीक सादर करचे, चडावत म्हायती खातीर श्रीराम नाय क (7972206913) , प्रसाद सुर्लकार (8806875959) , प्रमोद आजगांवकार (7620696525) वा सुनील शिरोडकार (9637888867) हांचे कडेन संपर्क सादचो अशें क्लबाचो अध्यक्ष प्रशांत फातर्पेकारान कळीत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
