भांगरभूंय | प्रतिनिधी
आमदार शेट्ये: साळ पुनर्वसनांत रस्त्याच्या डांबरीकरण कामाचो शुभारंभ
दिवचल: दरेकां गांवांत रस्ते आनी उदरगत हो आमचो मंत्र. ह्या मतदारसंघांत वर्सभर जायत्यो येवजण्यो पुराय केल्यात. रोजगार, पायांभूत सुविधा, सरकारी येवजण्यो, घराघरांनी पावोवपा खातीर घटकांचें सहकार्य मेळटा अशें डॉ. चंद्रकांत शेट्ये हांणी सांगलें.
साळ पंचायत वाठारांतल्या पुनर्वसन कॉलनींतले रस्ते डांबरीकरण करपाचे येवजणेचो शुभारंभ आमदार डॉ. चंद्रकांत शेट्ये हांचे हस्तुकीं जालो. ह्या वेळार ते मुखेल सोयरे म्हणून उलयताले. सुमार सवाय कोटी रुपया खर्चून हे रस्ते सुळसुळीत करतले.
ह्या वेळार सरपंच सावित्री घाडी, प्रदीप तिरोडकार, उपसरपंच देऊ राऊत, पंच दिव्या नायक, वैष्णवी परब, विशाल परब, मनोहर शिंदे आनी हेर हाजीर आशिल्ले.
साळ पुनर्वसन ग्रामस्थांनी डॉ. शेट्ये आनी सरकाराक परबीं भेटोवन तांची तोखणाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
