भांगरभूंय | प्रतिनिधी
म्हापशें: कामुर्ली बार्देसांत मामलेदार आनी खण खात्यान संयुक्त मोहिमे खाला दोन चिऱ्यां खणींचेर धाड घातली. त्या चिऱ्यां खणींचे जमनीच्या धनया आड कोलवाळ पुलिसांनी गुन्यांव नोंद करून जनरेटर आनी हेर साहित्य जप्त केलें.
ही कारवाय बिरेस्तारा 23 फेब्रुवारीक केली. मामलेदार प्रवीण गांवस हांच्या फुडारपणा खाला ही कारवाय केली. मामलेदार कार्यालय, खण खातें, भौशीक बांदकां खात्याचो रस्तो विभाग, येरादारी खात्याचे अधिकारी आनी कोलवाळ पुलीस ह्या पंगडान रेंव आनी चिऱ्यां खणीं आड खास मोहीम चालीक लायली. ह्या पंगडान पयलीं ओशेल शिवोले शापोरा न्हंये देगेर धाड घातली. पूण थंय रेंव काडटना वा रेंवेचो सांठो सांपडूंक ना. ते उपरांत ह्या पंगडान कामुर्लेच्या दोंगराचेर धाड घातली. त्या वेळार तांकां थंय तीन चिऱ्यां खणी नदरेक पडल्यो. तातूंत काडिल्ले खूब प्रमाणांत चिरे आशिल्ले. ते भायर पॉवर टिलर, चिरे मारपाचे हॉरिझोंटल मशीन आनी जनरेटरूय सांपडलो. हो सगळो म्हाल जप्त करून पुलिशेच्या सुवादीन केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
