भांगरभूंय | प्रतिनिधी
भांगरभूंय । खबरां मेज
पणजीः स्पॅरो ह्या बायलांच्या कला आनी साहित्याच्या संशोधना कडेन संबंदीत संस्थेन मिझोरान विद्यापिठाच्या इंग्लिश साहित्य विभागाच्या पालवान बायल साहित्यकारांची तीन दिसांची विशेश परिशद मिझोरामांत आयोजीत केल्या. तातूंत वांटेकार जावपा खातीर मुंबय रावपी ज्येश्ठ कोंकणी कथा लेखिका शीला कोळंबकारान आमंत्रीत केलां. परिशदेंत वांटेकार जावपा खातीर बिरेस्तारा कोळंबकार मिझोरामात गेल्या.
प्रकाश थळी आनी मुकेश थळी हांणी इंग्लिशींत अणकारीत केल्ल्या कथेंचेर परिशदेच्या एका सत्रांत वाचन जातलें. ते उपरांत कोळंबकार हिची प्रगट मुलाखत जातली. हे परिशदेक कोंकणी, मराठी, बोडो, इंग्लिश, गुजराती, हिंदी आनी हेर भाशेंतल्यो ज्येश्ठ कोंकणी लेखिका वांटेकार जातल्यो. शीला कोळंबकार हिच्या ओली सांज, गेर्ग, कथाशील ह्या कथा झेले आनी हेर ललित पुस्तकां प्रकाशीत जााल्यांत. तिका जायते राष्ट्रीय पुरस्कार फावो जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
