भांगरभूंय | प्रतिनिधी
विसव घेनासतना चड वेळ बसल्यार काळजाचे दुयेंस, आघात, गोडेंमूत, स्नायू दुखप, फाटीची दुख आदी दुयेंसांचो धोको वाडटा. चड वेळ बसपाक लागून जावपी समस्या टाळपाचो सगळ्यांत बरो उपाय म्हळ्यार उठून नेमान (दर 30 मिनटांनी) भोंवप. हें शक्य नासलें तरी चड वेळ बसून जावपी नुकसान उणें करपाचे कांय मार्ग आसात. अमेरिकेंतल्या वागणूक विशींचो अभ्यास करपी विभागाचे मुखेली डॉ. अँड्र्यू बडसन हांच्या मतान मेंदू सक्रिय आसतना तंत्रिका कोशिका नेटान वाडटात आनी नवे संपर्क तयार करतात. ते ‘बॅकअप सेल्स’ म्हणून जमतात.
अशा वेळार ह्यो पेशी आल्झायमर दुयेंसाक लागून जावपी खंयचोय धोको उणो करतात. दुसरे वटेन टीव्ही पळोवपा सारक्या निश्क्रीयतायेक लागून तंत्रिका कोशिकांची क्रियाशीलता उणी जाता.
मन गुंतोवपी खेळ खेळात
डॉ. बडसनाच्या मतान बोर्ड गेम, अॅपाचेर शब्द खेळ वा पेन आनी कागद वापरून शब्द खेळ खेळल्यार मेंदू सक्रिय दवरूं येता. नव्या विशयाचें पुस्तक वाचात, नवे संगीत आयकात वा नवी भास शिकात. तुमचीं स्वताचीं गितां बरोवपाचो यत्न करात. ताका लागून मेंदवाची क्रियाशीलता वाडटा. बरयल्यार पेन आनी कागदाचो वापर वाडोवचो. एक काणी वा कविताबरोवची. चित्रां काडप वा रंगोवप. ह्या सगळ्या क्रियांक लागून मेंदवाची क्रियाशीलता वाडटा.
संलग्न स्पॅल्डिंग पुनर्वसन हॉस्पिटल डॉ. जेनीस मॅकग्रेल सांगता की शारिरीक क्रिया गरजेची. बेकार आसतना लेगीत काळीज आनी मन दोनूय सक्रिय दवरूं येता. फकत 10, 20 वा 30 मिनटां ध्येय दवरात. हाचे खातीर तुमी आर्म सर्कल, एअर पंच, लेग रेयस वा बसून मोर्चा करूं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
