भांगरभूंय | प्रतिनिधी
फातोड्डेंच्या डॉन बॉस्को ऑरेटरीन फादर ब्रुनो सोकर फुटबॉल सर्त जिखली. अवर लेडी ऑफ होप चर्चीच्या मैदानाचेर जाल्ले फायनलींत ताणें युनियन ऑफ चिंचोणें व्हिलेजर्साक 2-1 अशा फरकान हारयलो.
डॉन बॉस्को ऑरेटरीवतीन वेलिटो मिरांडा आनी हेन्सलम फुर्तादो हांणी गोल केले, जाल्यार युनियन ऑफ चिंचोणें वतीन अॅश्टन फर्नांडीसान गोल केलो.
हेर वैयक्तीक इनामांः कॅव्हिन फुर्तादो (सर्तींतलो उदेंतो खेळगडो, दिकरपाली स्पोर्ट्स क्लब), आल्फ्रेड नोरोन्हा (सर्तींतलो खेळगडो, डॉन बॉस्को ऑरेटरी), अॅश्टन फर्नांडीस (फायनलींतलो पयलो गोल, युनियन ऑफ चिंचोणें), हन्सलम फुर्तादो (फायनलींतलो उत्कृश्ट स्ट्रायकर, डॉन बॉस्को ऑरेटरी), चडेल फर्नांडीस (फायनलींतलो उत्कृश्ट मिडफिल्डर, युनियन ऑफ चिंचोणें व्हिलेजर्स), लॅस्ली डिकोस्टा (फायनलींतलो उत्कृश्ट डिफॅण्डर, युनियन ऑफ चिंचोणें व्हिलेजर्स), सनी फर्नांडीस (फायनलींतलो उत्कृश्ट डिफॅण्डर, रॉकी बॉर्जीस (फायनलींतलो मॅन ऑफ द मॅच पुरस्कार, डॉन बॉस्को ऑरेटरी).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
