भांगरभूंय | प्रतिनिधी
खबरां संस्था
नवी दिल्लीः भारत- ऑस्ट्रेलिये मदले दुसरे टॅस्ट मॅची भारताच्या किंग कोहलीन आंतरराष्ट्रीय क्रिकेटींत आनीक एक व्हडली कामगिरी करून दाखयली. ताणे सचीन तेंडुलकाराचो संवसारीक विक्रम मोडलो. विराट कोहली आतां आंतरराष्ट्रीय क्रिकेटींत सगल्यांत फास्ट 25000 धांवड्यो करपी संवसारांतलो पयलो बॅट्समन थारला.
विराट कोहलीन दुसरे टॅस्ट मॅचींत 8वी धांवडी काडली तेन्नाच तो फास्ट 25 हजार धांवड्यो करपी बॅट्समन थारलो. सचिनान 25 हजार धांवड्यो करपाक 588 डाव घेतिल्ले. विराटान 549डावांत ही कामगिरी केली. ऑस्ट्रेलियेचो आदलो कॅप्टन रिकी पॉटिग तिसरे सुवातेर आसा. 25 हजार धांवड्यो करपी विराट कोहली संवसारांतलो 6वो बॅट्समन थारला. सचीन तेंडुलकार, कुमार संगकारा, रिकी पॉटिग, महेला जयवर्धने आनी जॅक कॅलीस हांणी 25 हजार आनी ताचे परस चड धांवड्यो केल्या.
क्रिकेटच्या तिनूय फॉर्मेटांतल्यो विराटाच्या धांवड्योः ताणे वन-डे आंतरराष्ट्रीय क्रिकेटींत सगल्यांत चड 12809 धांवड्यो केल्या. टॅस्ट क्रिकेटींत तांच्या नांवार 8190 धांवड्यो आसात. जाल्यार टी-20 आंतरराष्ट्रीय क्रिकेटींत ताच्या बॅटान 4008 धांवड्यो केल्यात. टी-20 क्रिकेटींत सगल्यांत चड धांवड्यो करपी तो संवसारांतलो पयलो बॅट्समन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
