भांगरभूंय | प्रतिनिधी
शिवोले: सारस्वत शिक्षण संस्था संचालीत श्री वसंत विद्यालयाच्या नवे इमारतीचो बुन्यादी फातर बसोवपाचो सुवाळो मंगळार ता. 14 फेब्रुवारीक जातलो. ही कार्यावळ सकाळीं 11.46 वरांचेर सुरू जातली.
हे कार्यावळी शिवानी एज्युकेशनल ट्रस्टाचे संस्थापक तशेंच अध्यक्ष शिवशंकर अनंत मयेंकार हाजीर रावतले. जाल्यार वनिता मयेंकार हांचे हस्तुकीं शाळेचे नवे इमारतीच्या कामाचो शुभारंभ जातलो. ह्या वेळार सारस्वत शिक्षण संस्था, म्हापशेंचे अध्यक्ष रामनाथ ना. बुर्ये, सारस्वत शिक्षण संस्था, म्हापशेंचे सचीव परेश र. कामत, सारस्वत शिक्षण संस्था, म्हापशेंचे भांडारी अनुप अ. वेर्लेकार, श्री वसंत विद्यालय, शिवोलेचे वेवस्थापक बाळकृष्ण वि. परुळेंकर व्यवस्थापक, श्री वसंत विद्यालयाचे मुख्याध्यापक सुरज चोडणकार, तशेंच विद्यार्थी, शिक्षक, कर्मचारी, पालक ह्या वेळार हाजीर आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
