भांगरभूंय | प्रतिनिधी
पुलीस अधिक्षक निधीन वाल्सन हांची म्हापशें पुलीस स्टेशनाक भेट
भांगरभूंय । प्रतिनिधी
पणजीः उत्तर गोंय पुलीस अधिक्षक निधीन वाल्सन हांणी म्हापशें पुलीस स्टेशनाक भेट दिवन कर्मचारी वर्गाच्यो समस्या समजून घेतल्यो. तशेंच तांच्या वांगडा जेवले. आपल्या कार्यक्षत्रांतल्या पुलीस कर्मचाऱ्यां वांगडा 100 वरां सारपाचो निश्चेव तांणी केला.
बुधवारा अधिक्षक वाल्सन हांणी म्हापशें पुलीस स्टेशनाक भेट दिवन जनसंपर्क बसका घेतली. ह्या वेळार तांचे वांगडा पुलीस उपअधिक्षक जिवबा दळवी, निरिक्षक परेश नायक, उपनिरिक्षक आनी कनिश्ठ कर्मचारी हाजीर आशिल्ले. पांच वरांच्या पुलीस स्टेशनाचे भेटी वेळार म्हापशें बाजार पेठेंत तांणी पासय मारली. तशेंच म्हापशें न्यायालय संकुलाचे सुरक्षेचो नियाळ घेतलो.
ह्या वेळार अधिक्षक वाल्सन हांणी म्हापशें पुलीस स्टेशनाच्या कर्मचाऱ्यांक तांचे उत्कृश्ट कामगिरी खातीर उमेद वाडोवपी पत्रां भेटयलीं. तातूंत पुलीस उपअधिक्षक बाबलो परब, निरिक्षक परेश नायक, सहाय्यक उपनिरिक्षक दिगंबर कांबळी, हवालदार सुशांत चोपडेंकार, केशव नायक, कॉन्स्टेबल राजेश कांदोळकार, प्रकाश पोळेकार, अक्षय पाटील, आनंद राठोड, अभिषेक कांसार हांचो आस्पाव आशिल्लो. ह भेटी वेळार वाल्सन हांणी सांगलें, आमी शंबर वरां पुलीस कर्मचाऱ्यां वांगडा हो उपक्रम सुरू केला. ते प्रमाण म्हापशें पुलीस कर्मचाऱ्यांची भेट घेवन तांच्यो समस्या समजून घेतल्यात. आपणाक शक्य आसा त्यो सोडोवपाचो आपूण यत्न करतलो, उरिल्ल्यो संबंदितां मेरेन पावयतलों. पलीस उपअधिक्षक तशेंच पुलीस निरिक्षक बरें काम करतात. म्हापशें पुलिसां कडल्यान म्हापशें शारांत बरो वावर चल्ला. पुलीस स्टेशनाच्या वाठारांतले लोकसंख्ये प्रमाण पुलीस स्टेशनांत सध्या कर्मचाऱ्यांचो इल्लो उणाव आसा. हो उणाव रोखडोच पयस करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
