भांगरभूंय | प्रतिनिधी
गोवींद गावडे: माशेलचे सरकारी मुळावे शाळेचे नवे इमारतीचो प्रस्ताव केलो सादर
माशेल: मुळाव्या शाळेंतल्यान विद्यार्थ्यांचेर बरे संस्कार जातात आनी तांच्या शिक्षणाची बुन्याद घटमूट जाता, अशें कला संस्कृती आनी खेळां मंत्री गोवींद गावडे हांणी सांगलें.
माशेल हांगचे सरकारी मुळावे शाळेचें वर्सुकी स्नेहसंमेलन आनी इनामां भेटोवपाचो सुवाळो हालींच श्री देवकीकृष्ण सभाघर, माशेल हांगा जालो. ह्या वेळार माचयेर मंत्री गोवींद गावडे मुखेल सोयरे म्हणून उलयताले. माचयेर अध्यक्ष सुवातेर जिल्हो पंचायत वांगडी श्रमेश भोसले हाजीर आशिल्ले. मुखेल सोयर्यां हस्तुकीं परंपरीक रितीन दिवली पेटोवन कार्यावळीचें उक्तावण जालें.
चिन्मय घैसास हांणी येवकार आनी प्रास्तावीक केलें. मुख्यध्यापिका मंदा भगत हांणी वर्सुकी अहवाल सादर केलो. पालक शिक्षक संघाचे अध्यक्ष सागर गुरव हांणी शाळेंतल्या कार्याचो आढावो घेवन शाळेचे नवे इमारतीचो प्रस्ताव मंत्री गोवींद गावडे हांकां सादर केलो.
यत्ता चोवथेचो विद्यार्थी अद्वैत चिन्मय घैसास हाची उत्कृश्ठ विद्यार्थी आनी मिताली मनोज पाटकार हाची उत्कृश्ठ विद्यार्थीनी म्हणून नेमणूक जाली. मानेस्तां हस्तुकीं विद्यार्थ्यांक इनामां भेटयलीं.
ह्या वेळार किशोर नायक (होम गार्ड माशेल पुलीस आऊट पोस्ट), तशेंच शाळेची कर्मचारी सुरेखा गावडे हांची उत्कृश्ठ कार्या खातीर मंत्री गोविंद गावडे हस्तुकीं भोवमान जालो.
शाळेंतल्या विद्यार्थ्यांनी सांस्कृतीक कार्यावळ सादर केली. कार्यावळीक तिवरें वरगांवचे पंच वांगडी
यशवंत जल्मी, प्राजक्ता अमोणकार, शाळा वेवस्थापन समिती पदाधिकारी नंदकुमार भगत, शाळेंतली शिक्षक अनुजा नायक, ज्ञानदा पार्सेकार, हनुमंत गोवेंकार, प्रिती कामत, श्वेता घाडी, अंजू कंवळेंकार, तशेंच पालक शिक्षक संघाचे पदाधिकारी निलेश खांडोळकार, सोनिया भट, गजानन गांवकार, समीर माशेलकार, समीर नायक, शेखर चोडणकार, दिपश्री प्रभू, संज्योत खडपकार , आरुही परब, निता भोसले, सुविधा शेटकार, सुरेखा गावडे, पूनम रायकार, तशेंच व्हडा संख्येन पालक आनी माशेल गांवांतले नागरीक हाजीर आशिल्ले.
कार्यावळीचें सुत्रसंचालन शिक्षिका अनुजा नायक आनी उपकार ज्ञानदा पार्सेकार हांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
