भांगरभूंय | प्रतिनिधी
प्रभावी वेळ वेवस्थापन म्हणल्यार तुमचो गृहपाठ, विद्यापीठ, कॉलेज जिवीत आनी तुमचो फुकट वेळ हांचे मदीं योग्य संतुळा सादप. एक विद्यार्थी म्हूण तुमच्या दिसांचें वेवस्थापन वेवस्थीत केल्यार ताण ना जातलो आनी तुमी उत्पादक आसात हाची खात्री जातली. विद्यार्थ्यां खातीर सामान्य वेळ वेवस्थापन टिपो, जशीं बरी न्हीद घेवप, वेळापत्रक करप आनी जाय त्या गजालींकूच प्राधान्य दिवप. ह्यो कांय टिपो आसात, ज्यो विद्यार्थ्यांक दीर्घ काळांत मदत करूंक शकतात. विद्यार्थ्याक एका दिसांतलो वेळ चडांत चड वापरपाक चड रणनिती वापरची पडटा.
विद्यार्थी, आनी हेर सगळ्यां खातीर वेळ वेवस्थापन म्हणल्यार तुमचो दीस उद्देशपूर्ण करप. तुमचे कडेन आशिल्ल्या वेळाचेर नियंत्रण दवरप आनी ताचेर लक्ष केंद्रीत करप, उत्पादकता आनी सगळ्यांत चड संतुळा…. हांचे खातीर अनुकूल करप हें. विद्यार्थ्यां खातीर वेळ वेवस्थापनाचे मुद्दे सांगचे पयलीं, वेळ वेवस्थापन कित्याक म्हत्वाचें तें समजून घेवप गरजेचें.
एका दिसांत मेळपी मर्यादीत वेळाचो आमी सगळ्यांनी चडांत चड फायदो घेवचो. वेगवेगळ्या कार्यावळींत गुठलावप आनी उणें साध्य करप खूब सोंपें. वेळाचें प्रभावीपणान वेवस्थापन केल्यार विद्यार्थ्यांक चड आत्मविस्वास, संघटीत आनी चड कार्यक्षमतेन शिकपाक मेळटा. हायस्कूल विद्यार्थ्यां खातीर प्रभावी वेळ वेवस्थापन कुशळटाय खास करून गरजेची आसता, कारण तांकां चड विशय, चांचण्यो, नेमणूक आनी अभ्यासक्रमाच्या भायल्या गजालीं कडेन वेव्हार करचो पडटा. वेळ वेवस्थापन तंत्र विद्यार्थ्यांक वाटेर रावपाक आनी जोडिल्ल्या जापसालदारक्यांच्या ताणाक तोंड दिवपाक मदत करूंक शकता.
परिसंवाद, वर्ग आनी कार्यशाळा तुमच्या दिसाचो एक वांटो घेवंक शकतात, पूण स्वताचो वेळ कसो थारायता हाचेर सगळो फरक पडटा. तुमच्या वेळापत्रकाचेर प्रभुत्व मेळोवप गरजेचें. दिसपट्टो वेळापत्रक साचो तुमकां दर दिसा तुमच्य वेळाचें वेवस्थापन आनी नियंत्रण दवरपाक मदत करता. ताका लागून तुमकां संघटीत रावपाक आनी चड म्हत्वाच्या गजालींचेर लक्ष केंद्रीत करपाक मेळटलें. तुमकां आडखळ पयस करपाक लेगीत मदत जातली.
एलान मस्क ते बिल गेट्स मेरेन चडशे यशस्वी लोक वापरतात ती पद्दत म्हळ्यार “वेळ आडावप”. वेळ आडावप म्हणल्यार तुमच्या दिसाचें दरेक मिनट कशें पासार करपाचो तुमचो हेतू आसा हाचे खातीर एक साचो तयार करप. देखून विद्यार्थ्यांनी आपल्या वेळाचें चड फळादीकपणान वेवस्थापन करपा खातीर ही पद्दत आपणावची.
तुमचें वेळापत्रक तुमकां तुमच्या दिसाची आदर्श आवृत्ती दितलें, पूण तुमी तुमचो वेळ कसो घालयतात हाचें विश्लेशण करपाची गरज आसा, जाका लागून वेळ वेवस्थापनाची बरी संवय तयार जातली. तुमी दर दिसा तुमचो वेळ कसो पासार करतात तें समजनासतना विद्यार्थ्यांक लक्ष केंद्रीत दवरपाक चड बरी वेळ वेवस्थापन रणनिती तयार करप अशक्य आसा.
योग्य ध्येय थारावपाचो एक भाग म्हळ्यार व्हड ध्येय आनी ल्हान दिसपट्ट्या कामां पासून स्वताक वेगळे करप. अशें केल्यार तुमकां लक्ष केंद्रीत दवरपाक मदत जातली आनी तुमकां आडखळ येवचीना. व्हडलें काम अशें दिसता तेन्ना आडखळ दिसप सोंपें. पूण तें पयलें पावल उखलप म्हत्वाचें. एकदां गती तयार करपाक जाय.
सोशल मिडिया, सेल फोन, इश्ट हांचे मदीं इतले उपक्रम आसात जे विद्यार्थ्यांक शाळेच्या कामांतल्यान विचलित करपाक शकतात. शाळेचें काम करपाचो वेळ येता तेन्ना विद्यार्थ्यांनी मोबायल बंद करून सोशल मिडिया खात्यांतल्यान सायन आउट करपाची गरज आसता. शाळेच्या कामाक दिवपी खंयचोय वेळ दूरचित्रवाणी आनी सेल फोन मुक्त आसूंक जाय.
विद्यार्थ्यांक तांचें वेळापत्रक जॅम- पॅक आसतना मल्टीटास्क करपाक मेळटा अशें दिसप आकर्शक आसूं येता. पूण जितले चड एकाच वेळार करपाचो यत्न करता तितलोच दरेके गजालीक चड वेळ लागता. ताचे बदला एका वेळार एका कामाचेर खोलायेन लक्ष केंद्रीत केल्यार तें सुमार पाचशें टक्के चड उत्पादक जावंक शकता, अशें अभ्यासांतल्यान दिसून आयलां.
विद्यार्थ्यां खातीर वेळ वेवस्थापन खूब भिरांकूळ आसता, खास करून जेन्ना तुमच्या टू- डू लिस्टांत जायत्यो गजाली आसतात. शाळेंतल्यो नेमणुको, गृहपाठ, प्रकल्प आनी समाजीक जिवीत सांबाळून दवरतना तांकां बरे तरेन काम करपाक आनी बरे परिणाम मेळटले अशी अपेक्षा आशिल्ल्यान विद्यार्थ्यां खातीर हें एक आव्हानात्मक काम. पूण विद्यार्थ्यां खातीर वेळ वेवस्थापन टिपांचो आमच्या वळेरे वरवीं, दरेक दीस शक्य तितलो उत्पादक आसचो हे खातीर विद्यार्थ्यांक एक वेवस्था करपाक मेळटली.
तुमकां खबर आसा, शिक्षणांक केन्नाच शेवट उरना. तुमचो दीस चड प्रभावी करपाक, तुमी तुमच्या करिअराक चालना दिवपा खातीर विद्यार्थी म्हणून सदांच अभ्यासक्रम शिकपाक शकतात. डिजिटल प्रकल्प वेवस्थापक मास्टर अभ्यासक्रम तुमकां वेवसाय रुपांतरा खातीर रणनितीचें साधन म्हणून मुळाव्या प्रकल्प वेवस्थापन साधनांचेर प्रभुत्व मेळोवपाक मदत करतलो.
संजना बापू शेटकार
8010291844
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
