भांगरभूंय | प्रतिनिधी
सुभाष फळदेसायः देवसा केपें रस्त्याचें हॉटमिक्स डांबरीकरण सुरू
भांगरभूंय ।प्रतिनिधी
केपें: भाजपा- काँग्रेस आनी हेर पक्ष असो भेदभाव करिना जाल्यार उदरगत जातली. ताका लागून सगळ्यांनी एकठांय येवप गरजेचें आसा, अशें समाज कल्याण मंत्री सुभाष फळदेसाय हांणी सांगलें. देवसा केपें रस्त्याचें हॉटमिक्स कामाची सुरवात करपाच्या सुवाळ्यांत ते उलयताले.
ह्या वेळार केपेंचे आमदार एल्टन डिकॉस्टा, जिल्हो पंचायत वांगडी सुरेश केपेंकार, नगरसेविका आलिंडा लासेंडा, लुडर्स फर्नांडीस, रेमेडियो रिबेलो, क्लायफ कुलासो, वल्लभ प्रभुदेसाय, राजेश नायक, रोहीत बरड, योगेश दलाल, साईश दलाल आनी हेर मानेस्त हाजीर आशिल्ले.
‘सबका साथ सबका विकास, सबका प्रयास सबका विश्वास’ हें नरेंद्र मोदी हांचें ब्रीद वाक्य घेवन मुख्यमंत्री डॉ. प्रमोद सावंत हांच्या फुडारपणा खाला गोंयांत भाजपा सरकार सत्तेर आसा. फक्त सत्ताधारी आमदारांच्या मतदारसंघांत उदरगतीच्या कामां वांगडाच विरोधी पक्षाच्या मतदारसंघांत लेगीत कसलोच भेदभाव करिनासतना तितलेच गतीन कामां जातात. थळावे आमदार एल्टन डिकॉस्टा हांच्या यत्नांक लागून अशी खूबशीं कामां ह्या वाठारांत पुराय जावपाक पावल्यांत, अशें फळदेसाय हांणी सांगलें. सरकार हें पुराय गोंयचें. समाज कल्याण मंत्री फळदेसाय हांचो केपें मतदारसंघाचो तेंको मेळटा. देवदर्शन येवजणे खाला केपें मतदारसंघांतल्यान 250 परस चड लोकांनी हाचो लाव घेतला. देवसा ते इग्रामळ हो स किलोमिटरांच्या रस्त्याचेर 1 कोटी परस चड रुपया खर्च करून हॉटमिक्स डांबर घालतले, अशें आमदार डिकॉस्टा हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
