भांगरभूंय | प्रतिनिधी
मुरगांवः वास्को बायणा दर्यांत वॉटर स्पोर्टस् बोटींत चड प्रवाशांक घेवन तांचो जीव धोक्यांत घालपाचो यत्न केल्ले खातीर हार्बर कोस्टल सॅक्युरिटी पुलिसांनी कारवाय केली. पुलिसांनी ह्या प्रकरणांत तिगांक अटक केल्या.
वॉटर स्पोर्टस् बोटींत 15 परस चड जाणांक घेवन बायणा दर्यांत गेल्ल्याचें कळटाच पुलिसांनी कारवाय केली. हार्बर कोस्टर पुलीस स्टेशनाचे निरिक्षक प्रदीप वेळीप हांणी दिल्ल म्हायती प्रमाण ह्या प्रकरणांत पुलीस हवालदार रवींद्र धुरी हांणी कागाळ दाखल केले उपरांत ही कारवाय केली. शुक्रारा दनपारां 12.50 वरांच्या सुमाराक प्रकाश शंकर राथोड (रा. बार्देस) कुशल मदलापूर (22, रा. कांदोळी) आनी हनुमंता लमाणी (35, रा. कांदोळी) हे दुबावीत एम. व्ही. श्री रेणुका 1 बोटींतल्यान चड प्रवाशांत घेवन बेट आयलंडा मुखा वयल्या दर्यांत गेल्ल्याची म्हायती पुलिशेक मेळ्ळी. पुलिसांनी ताकतिकेन कारवाय करून तपास केलो तेन्ना ते बोटींत 60 प्रवाशी आशिल्ल्याचें उजवाडाक आयलें. कायद्या प्रमाण ते बोटींत 45 प्रवाशांकूच व्हरपाची परवानगी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
