भांगरभूंय | प्रतिनिधी
भांगरभूंय । प्रतिनिधी
पणजीः 14 व्या आदिवासी आदान-प्रदान कार्यावळी खातीर गोंयांत आयिल्ल्या आठ राज्यातल्या आदिवासी तरणाट्यांनी सभापती रमेश तवडकार हांणी दिल्ल्या आमंत्रणा वयल्यान पर्वरी विधानसभा संकुलाक भेट दिली. काणकोण तालुक्यांत आमोणे- पैंगीणच्या आर्दश ग्रामांत 29 जानेवारीक सुरू जाल्ली हे कार्यावळीचो समारोप 4 फेब्रुवारीक जातलो.
नेहरू युवक केंद्रांत केंद्रीय घर मंत्रालय, येवा वेव्हार आनी खेळ मंत्रालय तशेंच सीआरपीएफ हांच्या जोड पालवान आयोजीत केल्ले हे आदान- प्रदान कार्यावळींक झारखंड, छत्तीसगड, ओडिशा, तेलंगणा, बिहार आनी आंध्र प्रदेश ही राज्यां आनी संघ प्रदेशातल्या मेळून 12 जिल्ह्यांतले हे आदिवासी तरणाटे गोंयचे संस्कृतीची म्हायती घेवपाक गोंयांत आयल्यात. बरेचशे तरणाटे नक्षलवादी पिडेस्त वाठारांतले आसात.
सभापती रमेश तवडकार आनी विधी मंडळ सचीव नम्रता उलमन हिणे ह्या तरणाट्यांक विधासभा संकुल फिरोवन दाखयलो. गोंयांत चलिल्ल्या तरेकवार उदरगतीच्या कामांची तांका म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
