भांगरभूंय | प्रतिनिधी
दिवचल: विवीध घोशवाक्यां पुट्ट्यांचेर बरोवन साळ पुनर्वसन च्या यत्ता दुसरेच्या भुरग्यांनी रस्तो सुरक्षितताये विशीं दोडामार्ग हांगच्यान वचपी राज्य महामार्ग 124 चेर रावून जागृताय केली.
’राष्ट्रीय रस्तो सुरक्षा सप्तक 2023’ निमतान सरकारी मुळावें विद्यालय, पुनर्वसन साळ, राणे आनी रावत उद्येग गोंय दोडामार्ग आनी महाराष्ट्र पुलीस-दोडामार्ग हांच्या जोड पालवान आयोजीत रस्तो सुरक्षा सप्तक उपक्रम दोडामार्गच्या मुळाव्या हॉस्पिटला फुडल्यान घडोवन हाडलो.
ह्या उपक्रमा वरवीं विद्यार्थ्यांनी वाहन चालकांक रस्तो सुरक्षा घोशवाक्य दाखोवन आनी येरादारीचे नेम पाळपी वाहन चालकाक गुलाबाचें फूल भेटयलें. हातूंत दोन चाकी, चार चाकी, ट्रक अश्या खुबश्या वाहनांचा आस्पाव आसा.
ह्या उपक्रमाक राणे आनी रावत उद्देगाचे गुरूदत्त रावत, दोडामार्ग पुलीस खात्यांतले पुलीस निरीक्षक रूषिकेश अधिकारी, जयेश ठाकूर, अतिरिक्त पुलीस निरीक्षक, पुलीस हवालदार रामदास जाधव, जाल्यार शाळा वेवस्थापन समितीचे उपाध्यक्ष प्रवीण गवस, पालक आनी पुलीस हवालदार रामचंद्र मळगांवकार, शाळेचे मुख्याध्यापक धाकटू पाटील आनी गणित शिक्षिका स्मिता राऊळ हाजीर आशिल्ले.
‘वाहन आनी येरादारीचे नेम’ह्या विशयाचेर शाळेचे शिक्षक संकेत नायक हांणी म्हायती दिली. तशेंच भुरग्यांनी रस्तो कसो पार करचो, चार रस्ते, झेब्रा क्रॉसींग, सिग्नल्स कशे तरेन पार करचीं हे विशीं मार्गदर्शन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
