भांगरभूंय | प्रतिनिधी
भांगरभूंय । प्रतिनिधी
दिवचलः दिवचल क्रिकेटर्सान आयोजीत केल्ले तीन ओव्हरींचे तिसरे अखील गोंय क्रिकेट सर्तींत रौनक नार्वेन चिराग-चोडणाक हारोवन ह्युमॅनिटी करंड आनी रोख 222222 हजाराचें इनाम मेळयलें. छत्रपती शिवाजी म्हाराज मैदानार समाज वावुरपी कुंदन फोगेरी हांच्या पालवान ही सर्त आयोजीत केल्ली. उपजैतिवंत चिराग पंगडाक 11111 रुपयांचे रोख इनाम फावो जालें. उपांत्य फेरयेंत हारल्ल्या आयसीबी आनी ओल्ड गोंय बायंगिणी पगडांक इनामां दिलीं.
सोनू (दादा) मांद्रेकार (बॅट्समन), हर्ष (बॉलर) हांका वैयक्तीक आनी रितंम हाका मॅन ऑफ दी सिरीज म्हणून इनाम दिलें. दिवचलचो आमदार डॉ चंद्रकांत शेट्ये, कुंदन फोगेरी, अपर्णा फोगेरी, नीलेश टोपले, कृष्णानाथ फोगेरी, रिजाय बेग, सुदिन नायक, केतन आमोणकार हाचे हाजेरेंत इनाम भेटवण कार्यावळ जाली.
सर्तींतल्या मेळिल्ल्या निधींतल्यान दिवचल क्रिकेटर्स फाटल्या दोन वर्सां सावन शालेय भुरग्यांक मजत करता. आमदार शेट्ये हांणी ते खातीर तांची तोखणाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
