भांगरभूंय | प्रतिनिधी
22 नाट्यसंस्था वांटेकार: 13 मार्च मेरेन सर्त चलतली
पणजी: कला अकादमीची 47 वी कोंकणी नाटक सर्त ता. 10 फेब्रुवारी 2023 सावन सुरू जाता. अंदूं हे सर्तींत 22 नाट्यसंस्थांनी वांटो घेतला. फोंडेंच्या राजीव गांधी कला मंदिराच्या मा. दत्ताराम सभाघरांत सांजेच्या 7 वरांचेर ता. 13 मार्च 2023 मेरेन ही सर्त चलतली. हे सर्तीच्या आयोजना खातीर राजीव कला मंदिराचें सहकार्य फावो जालां.
ता. 10 फेब्रुवारीक श्री सरस्वती मंडळ, दाग, फोंडें हे संस्थेचें दत्ताराम कामत बांबोळकार हांणी बरयल्लें ‘रथोत्सव’ ह्या नाटकान सर्तीची सुरवात जातली. रसरंग, उगवें हे संस्थे वतीन सॅमुएल बॅक्ट हांणी बरयल्लें आनी वसंत भगवंत सावंत हांणी अनुवादीत केल्लें ‘वेटिंग फॉर गोडो’ हें नाटक ता. 11 फेब्रुवारीक जातलें. महेश चंद्रकांत नायक हांचें ‘तिरंगी फिरंगी’ हें नाटक 13 फेब्रुवारीक श्री ॐ साई दामोदर सांस्कृतीक संस्था, नवेवाडें-वास्को सादर करतली, जाल्यार दुर्गा अर्जून नायक हांणी बरयल्लें ‘गो कोरोना गो’ नाटक ता. 14 फेब्रुवारीक श्री शांतादुर्गा संगीत कला मंच, नानोडें-दिवचल ही संस्था सादर करतली. तशेंच ता. 15 फेब्रुवारीक भांगराळें गोंय अस्मिताय, मडगांव ही संस्था डॉ. पूर्णानंद च्यारी हांणी बरयल्लें ‘इतिहास डॉट कॉम’ नाटकाचो प्रयोग सादर करतली.
ता. 16वेर फेन्का रेमे, दारीयो फो हांणी बरयल्ल्या आनी वसंत भगवंत सावंत हांणी अनुवादीत केल्ल्या‘कितली म्हारगाय गे सायबीणी’ विघ्नहर्ता कला आनी स्पोर्ट्स मंडळ, शिरोडा-फोंडें ही संस्था सादर करतली. विजय तेंडुलकार हांणी बरयल्लें आनी मुकेश थळी हांणी अनुवादीत केल्लें ‘कुत्रे’ हें नाटक ता. 17 फेब्रुवारीक श्री नागेश महालक्ष्मी प्रासादीक नाट्यसमाज, बांदिवडे-फोंडें ही संस्था सादर करतली. ता. 20 फेब्रुवारीक दुर्वा थिएटर्स, करमळी – तिसवाडी ही संस्था विनय दहिवाळ हांणी बरयल्लें आनी विमल गोविंद कारेकार हांणी अनुवादीत केल्लें ‘वाय ऑफ व्हाय?’ हें नाटक सादर करतली. ता. 21 फेब्रुवारीक पुंडलीक नारायण दांडे हांणी बरयल्लें ‘ताची करामत’ ह्या नाटकाचो प्रयोग पांडुरंग प्रासादीक नाट्य मंडळ, विठ्ठलापूर- सांखळे ही संस्था सादर करतली. जाल्यार ता. 22 फेब्रुवारीक युवा एकवट भोमा-फोंडें हे संस्थेचें जयंत पवार हांणी बरयल्लें आनी वसंत भगवंत सावंत हांणी अनुवादीत केल्लें ‘लिअरान जगचें काय मरचें’ हें नाटक सादर जातलें. ता. 23 फेब्रुवारीक श्रीनिवास भणगे हांणी बरयल्लें आनी संदीप तुकाराम वेरेंकार हांणी अनुवादीत केल्लें ‘हांव, तो आनी ती’ हें नाटक मदनंत सावईवेरें-फोंडें ही संस्था सादर करतली.
ता. 24 फेब्रुवारीक कोंकणी सेवा केंद्र, सांखळे ही संस्था डॉ. प्रकाश वझरीकार हांणी बरयल्ल्या ‘कल्पवास’ ह्या नाटकाचो प्रयोग सादर करतली. ॐ कलासृष्टी, बांदोडा-फोंडें ही संस्था शंकर नायक हांणी बरयल्लें ‘वाट फातोडेची’ हें नाटक ता. 27 फेब्रुवारीक सादर करतली. ता. 28 फेब्रुवारीक सिध्दीविनायक क्रिएशन, सांतिनेज-पणजी हे संस्थे वतीन बादल सरकार हांणी बरयल्लें आनी वसंत भगवंत सावंत हांणी अनुवादीत केल्लेें ‘सगळी रात’ हें नाटक सादर जातलें.
अभय थिएटर अकादमी, सुर्ला-गोंय ही संस्था शिल्पा नवलकार हांणी बरयल्लें आनी आसावरी कुलकर्णी हांणी अणकार केल्लें ‘सेल्फी’ हें नाटक ता. 1 मार्च दिसा जातलें. ता. 2 मार्चाक दत्ताराम कामत बांबोळकार हांणी बरयल्लें ‘रंगयात्रीक’ हें नाटक सांत आंद्रे विकास मंच, मौळा भाटी तिसवाडी ही संस्था सादर करतली. ता. 3 मार्चाक साई पुर्वा आर्टस्, करमळी-तिसवाडी हे संस्थे वतीन सर्वेश नायक हांणी बरयल्लें ‘ग्रीड’ हें नाटक सादर करतले. कला साधना, कुडचडें-गोंय संस्थे वतीन परेश मोहन च्यारी हांचें ‘अशी हि एक घडणूक’ हें नाटक ता. 4 मार्चाक जातलें. ता. 6 मार्चाक डॉ. तन्वी कामत बांबोळकार हांणी बरयल्लें ‘हिडिंबा’ हें नाटक अंत्रूज घुडयो, बांदोडें-फोंडें ही संस्था सादर करतली. जाल्यार ता. 10 मार्चाक सावयवेरेंचो सख्याहरी, सावयवेरें- फोंडें हे संस्थे वतीन पुंडलीक नारायण नायक हांणी बरयल्लें ‘पिंपळ पेटला’ हें नाटक सादर करतले. ता. 11 माचारक माऊली क्रिएशन, इब्रामपूर, पेडणें हे संस्थे वतीन पु. ल. देशपांडे हांणी बरयल्लें आनी वैभव कंवळेकार हांणी अणकार केल्लें ‘वादळझूज’ हें नाटक सादर जातलें. ता. 13 मार्चाक एकदंत कला संघ, पंचवाडी-फोंडें हे संस्थेच्या दिपराज सातोर्डेंकार हांणी बरयल्ल्या ‘She! कांवळो आपुडला’ ह्या नाटकान सर्त सोंपतली.
सर्तीचे सगळे नाट्यप्रयोग सांजेच्या 7 वरांचेर राजीव गांधी कला मंदीर-फोंडें हांगा जावपाचे आशिल्ल्यान 50 रुपयांच्यो प्रवेशिका नाट्यप्रयोगाचे सुवातेर तिकेट कावंटराचेर उपलब्ध आसतल्यो हाची सगळ्यांनी नोंद घेवची अशें कला अकादमीन कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
