भांगरभूंय | प्रतिनिधी
भांगरभूंय प्रतिनिधी
म्हापशेंः किटला- हळदोणे हांगा मालमत्तेच्या वादांतल्यान दोन गटांत मारपेटीचो प्रकार जालो. म्हापशें पुलिसांत दोनूय गटांनी एकमेका आड कागाळी नोंद केल्यात. हे घडणुकेंत मार बशिल्ल्यांचेर बांबोळी जीएमसींत उपचार सुरू आसात.
शुक्राराक दनपारां 3.30च्या सुमाराक ही घडणूक जाली. फरिदा सौदागर आनी मायकल पेरेरा हांचे मालमत्तेक कामगार नितळसाणेचें काम करताले. तांका देविका राऊत कुटुंबियांनी काम करपाक हरकत घेतली. ताचे वयल्यान दोनूय गटांतल्या लोकांनी एकमेकांक गाळयो सोवपाक सुरवात केली आनी उपरांत दांडे घेवन मारपेट केली.
फरिदा सौदागर हिणे कागाळ केल्या उपरांत देविका राऊत हिणे कागाळ केली. म्हापशें पुलिसांनी नीलेश वेर्णेकार, दीपक कुमार, वैभव राऊत, साईराज राऊत, रोहीत राउत, संजय राऊंत, विश्वदा राऊत, देवेंद्र राऊत,, दीपिका राऊत आनी देविका राऊत हांचे आड गुन्यांव नोंद केला. मारपेटांत देवेश राऊत आनी वैभव राऊत गंभीर जखमी जाले. ताकां जीएमसींत उपचारा खातीर दाखल केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
