भांगरभूंय | प्रतिनिधी
भांगरभूंय । प्रतिनिधी
फोंडेंः मोलें पंयायत वाठारांत सांगोड हांगच्या खारजांतल्यान जायत्या प्रमाणान उदक येना हाची उदकास्रोत खात्याचो कार्यकारी अभियंता कृष्णकांत पाटील आनी हेर अधिकाऱ्यांनी खारजाची पळोवणी केली. ताका बरेच कडेन गळटी लागिल्ल्यान सांगोड वाठारांतल्या शेतकारांक जाय त्या प्रमाणांत उदक मेळना. खारीज सारको करपाचें काम रोखडेंच हातांत घेतले. तशेंच लागी आशिल्ले खणींतलें उदक शेतकारांक उपलब्द करून दिवपाचें उतर पाटील हांणी शेतकारांक दिलां.
पोर्जुगेज तेपार बांदिल्ल्या ह्या खारजाक जायते कडेन गळटी लागल्या. ताका लालून सुमार 200 शेतकारांक शिंपणावळी खातीर उदक मेळना. देखून तांणी शेतां पडंग दवोरल्यांत. बिरेस्तारा पाटली हांणी खारजाची पळोवणी केली तेन्ना शेतकार संघटनेचो अध्यक्ष संतोष सांगोडकार, स्थळावो पंच वांगडी विठोबा मळेकार आनी शेतकार हाजीर आशिल्ले.
उदकास्रोत खात्या वतीन खारजाची दुरुस्ती करून शेतकारां उदक मेळोवन दितले. खणींतलें उदक पंपा वरवी शेतकारांक दिवपाची वेवस्था करतले असें पाटील हांणी पत्रकारांक सांगलें. खारजाच्या निमाण्या तोकाक आशिल्ल्या सांगोड गांवात खारजाचे सामके उणे उदक पावता. उदकास्रोत खात्यान खारजाची दुरुस्ती करपाचें आश्वासन दिल्ल्यान शेतकारांनी खोस उक्तायल्या अशें पंच वांगडी विठोबा मेळेकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
