भांगरभूंय | प्रतिनिधी
मुख्यमंत्रीः सांखळेचो जनता दरबार हावसफुल्ल
भांगरभूंय । प्रतिनिधी
दिवचलः कोरोनाचे फाटभुंयेर गोंयांत सप्तकभर कसलेच निर्बंध आसचे नात. लोकांनी भिवपाची गरज ना, पूण सतर्कता जायच, अशें मुख्यमंत्री डॉ. प्रमोद सावंत हांणी सांगलें. सांखळेच्या रवींद्र भवनांत घेतिल्ल्या जनता दरबारांत ते लोकां कडेन उलयताले. ह्या वेळार मुख्यमंत्र्यान लेगीत स्वता मास्क वापरूंक नाशिल्लें. शेनवारा मुख्यमंत्री डॉ. सावंत हांणी घेतिल्ल्या जनता दरबारांत उण्यांत उणे 500 लोक हाजीर आशिल्ले. फाटले कांय दीस मुख्यमंत्री व्यस्त आसिल्ले, ताका लागून तांकां मेळून आपल्यो समस्या मांडप्यांचो आंकडो खूब आशिल्लो. नोकऱ्यो, बदल्यो, भौशीक कामां, भुरग्यांचीं- ज्येश्ठ नागरिकांच्यो समस्या हाका लागून मुख्यमंत्र्यांचो जनता दरबार हावसफुल्ल जाल्लो. सुमार दोन वरां मुख्यमंत्री डॉ. सावंत हांणी लोकांचीं गाराणीं आयकून घेतलीं आनी खूबशे प्रस्न थंयचे थंय सोडोवपाचो तांणी यत्न केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
