भांगरभूंय | प्रतिनिधी
भांगरभूंय । प्रतिनिधी
डोंगरीः गोंय वेल्हा हांगच्या पॉप्युलर इंग्लिश हाययस्कुलाचें गॅदरीक व्हडा उमेदीन जालें. सान्तआंद्रेचो आमदार विरेश बोरकार कार्यावळीक मुखेल सोयरे म्हणून हाजीर आशिल्ले. हायस्कुलाचो आदलो विद्यार्थी डॉ मनीष गावणेकार मानाचे सोयरे म्हणून हाजीर आशिल्ले. शाळेचे अध्यक्ष उपेंद्र काणे तशेच वांगडी दीपक एकावडे हेय कार्यावळीक हाजीर आसले.
सुरवेक विद्यार्थ्यांनी प्रार्थना सादर केली आनी विंगडविंगड नाच दाखोवन आपली कला सादर केली.तशेंच इंग्लिश नाटकुली
आनी मोन्या नाटकुल्याचो आस्वाद सगळ्यांक लाभलो. गोवा वेल्हाच्या सरकारी प्राथमिक शाळेतली भुरगीं हया संमेलनात
वाटेकारी जाल्ली. मुखेल सोयऱ्यांच्या हस्तूकी इनामा वाटपाचो सुवाळो जालो. यत्ता धावेचो साहिल इंगळे हाका अष्टताशी
विद्यार्थी तर यत्ता धावेचें भक्ती नाईक हाका अष्टताशी विद्यार्थीनी म्हूण इनाम फावो जालें.
मानाचे सोयरे मनिष गावणेकर हांणी आपल्या भाषणात योग्य आहार, व्यायाम आनी योगासना चो मूलमंत्र सगळ्यांक
पटोवन दिलो. आमदार श्री विरेश बोरकर हांणी आपल्या भाषणांत शाळा आती शिक्षक हांचे म्हत्व सांगले तशेच समाजात
बरे कलाकार, नेते, वक्ते आनी व्यवसायीक रीतीन विध्यार्थ्यांची घडणूक ही स्कूलातल्यान जाता अशें मत तांणी उक्तायले .
मुख्यध्यापिका श्रीमती वंदिता लवंदे हाणी स्कुलाचे अहवाल वाचन केले.
रमा रामाणी, प्रिती फेर्नांडीस, सुनिता तोरणे, तन्वी फडटे हाणी सूत्रसंचालन चो भार सांभाळळो. तर मृणाल भामरे हांणी
उपकार आटयले. गिरीजा परब हाणी शाळेच्या पुराय वर्साचो आराखडो पॉवरपॉईंट च्या रूपान सगळ्यांक दाखयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
