भांगरभूंय | प्रतिनिधी
ऑस्ट्रेलियाच्या बायलांच्या पंगडान येजमान भारताच्या बायलांच्या पंगडाक पांचवे टी-20 मॅचींत 54 धांवड्यांनी हारोवन माळ 4-1 फरकान जिखली.
पयलीं बॅटींग करपी ऑस्ट्रेलिया पंगडान 20 ओव्हरींनी 196 धांवड्यां मेरेन मजल मारिल्ली. ताका प्रत्युत्तर दितना भारताचो डाव 142चेर सोंपलो. ऑस्ट्रेलिया वतीन अॅश्लेघ गार्डनरान नाबाद 66 जाल्यार ग्रेस हॅरिसान नाबाद 64 धांवड्यांची खेळी केली.
माळेंतली पांचवी आनी निमाणी मॅच जिखून अखेर गोड करपाचो भारताची इत्सा आशिल्ली. भारतान टॉस जिखून पयलीं ऑस्ट्रेलिया पंगडाक बॅटींग करपाचें आमंत्रण दिलें. एका वेळार ताची स्थिती 2 बाद 17 अशी जाल्ली. पूण, तालिहा मॅग्राथ आनी एलीस पेरी हांणी डाव सांबाळीत ऑस्ट्रेलियाक फक्त सातवे ओव्हरींत 55 धांवड्यां मेरेन पावयलो.
अखेरेक ही जोडी शेफाली वर्मान मॅग्राथाक 26 धांवड्यांचेर बाद करीत ही जोडी फोडली. ते उपरांत देविका वैद्यान पेरीक 18 धांवड्यांचेर बाद करून तंबूंत धाडली.
ते उपरांत गार्डनर आनी ग्रेस हॅरिस हांणी भारताची बॉलींग फोडून काडली. ह्या दोगांनीय पांच ओव्हरींनी वट्ट 67 धांवड्यो केल्यो. गार्डनरान 32 बॉलांनी नाबाद 66 धांवड्यो केल्यो. जाल्यार ग्रेस हॅरिसान 35 बॉलांनी नाबाद 64 धांवड्यांचें योगदान दिवन ऑस्ट्रेलियेक 20 ओव्हरींनी 4 बाद 196 मेरेन पावयलो. दोगांयनी पांचवे विकेटी खातीर 129 धांवड्यांची भागिदारी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
