भांगरभूंय | प्रतिनिधी
भांगरभूंय । प्रतिनिधी
दिवचलः दिवचल सम्राट क्लबा वतीन दोडामार्ग हांगचो सुटके झुजारी सूर्यकांत वसंत परमेकार हाचो गोंय मुक्ती दीस कार्यावळींत गोंय@ 61 देश पयलीं ह्या उपक्रमा वरवीं भोवमान केलो. पोर्तुगीज राजवटींतल्यान गोंय मुक्त करपा खातीर दोडामार्गातल्या सुटके झुजाऱ्यांनी वांटो घेतिल्लो. मात तांणी दिल्ल्या योगदानाची कोणेच दखल घेतली ना. मात दिवचल सम्राट क्लबान गोंय@ 61 उपक्रमा खाला सुटके झुजारी सूर्यकांत वसंत परमेकार हांचो भोवमान केलो.
हे कार्यावळीक दिवचल पालिका मंडळाचो नगरसेवक आनी सम्राट क्लबाचो अध्यक्ष नीलेश टोपले हाचे हस्तुकीं श्रीफळ, शाल आनी यादस्तीक दिवन परमेकार हाचो भोवमान केलो. गुरुदास कोरगांवकार हाचे हस्तुकीं परमेकारांक सम्राटची पीन, झेंडो टेबल स्टॅण्ड भेट दिलो. ह्या वेळार डॉ प्रवीण सावंत, अतुल परमेकार, विश्वास गांवस, बाळकृष्ण वेर्णेकार, भगवान हरमलकार, रोहिदास गाड, श्रीधर मयेकार, डॉ बोराडे, सुषमा सूर्यकांत परमेकार हाजीर आशिल्ले.
परमेकार हांणी राम मनोहर लोहिया आनी हेर सुटके झुजाऱ्यांनी गोंय मुक्ती चळवळी खातीर दिल्ल्या योगदानाची म्हायती दिली. आयचे पिळगेन गोंयचें नांव वयर काडपाक मजत करपाक जाय. सम्राट क्लबान सुटके झुजाऱ्यांनी केल्ल्या त्यागाची दखल घेवन बरें काम केलां अशे तांणी सांगलें. कार्यावळीचें सूत्रसंचालन डॉ प्रवीण सावंत हांणी केलें नीलेश टोपले हांणी येवकार दिलो. डॉ बोराडे हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
