भांगरभूंय | प्रतिनिधी
पणजी: जनावरां सांबाळ आनी चिकित्सा सेवा खात्यान भारत सरकाराच्या राष्ट्रीय जनावरां रोग नियंत्रण कार्यावळीक ब्रुसेलोसीस लसीकरण कार्यावळीक कालच्यान सुरवात केल्या आनी ही कार्यावळ 19 जानेवारी 2023 मेरेन राज्यभर चलतली.
भोंवपी जनावरां सयत सगळ्यो गायो आनी म्हशींच्या 4 ते 8 म्हयन्यांच्या सगळ्या मादी पाडकुल्यांक लसीकरण करपा खातीर यत्न करतले. लसीकरणा उपरांत वेंचीक गांवांतल्यान सेरा नमुने एकठांय करून पाडकांची रोगप्रतिकार शक्त स्थितीची तपासणी जातली. तशेंच लसीकरण केल्ल्या जनावरांक वळखपा खातीर तांच्या कानाक टॅग लायतले.
ब्रुसेला रोगाचे निर्मूलन करपा खातीर शेतकारांनी आपल्यो गायो आनी म्हशींच्या पाडकांचें लसीकरण करपाक जनावरां सांबाळ आनी चिकित्सा सेवा खात्याच्या कर्मचार्यांक सहकार्य करचें, अशें खात्यान कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
