भांगरभूंय | प्रतिनिधी
माशेल: जुवेंच्या श्री सरस्वती हायस्कुलाचें वर्सुकी स्नेहसंमेलन 17 डिसेंबराक सांजच्या 5 वरांचेर हायस्कुलांत आयोजीत केलां. ह्या स्नेहसंमेलनांत मुखेल सोयरे म्हणून उत्तर गोंय जिल्हो पंचायत अध्यक्ष सिध्देश नायक, मानाचे सोयरे खाडोळचे आदले सरपंच तशेंच प्रियोळ भाजपा अध्यक्ष दिलीप नामदेव नायक, सांतईस्तेव्हचे सरपंच साईरा रो. नार्वेंकार, स्थानीक पंच वांगडी स्मिता ए. सावंत तशेंच जुवें आखाडो ज्ञान संस्थेचे अध्यक्ष पुरुषोत्तम कामत, श्री सरस्वती हायस्कुलाचे अध्यक्ष प्रा. दिलीप बेतकीकार, शाळेचे वेवस्थापक स्वरूप धुपकार, पालक शिक्षक संघाचे अध्यक्ष लक्ष्मण प्रभुगांवकार आनी मुख्याध्यापक ईश्वर कुबल आनी हेर मानेस्त हाजीर रावतले, अशें मुख्याध्यापक ईश्वर कुबल हांणी कळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
