भांगरभूंय | प्रतिनिधी
हरमल: हणखणें श्री भराडी देवीची वर्सुकी जात्रा शेनवार ता. 17 डिसेंबराक विवीध धर्मीक आनी सांस्कृतीक कार्यावळींनी मनयतले.
त्या निमतान सकाळीं देवी आनी देवतांची पुजा, अभिशेक, सवायशिणीं कडल्यान होटी भरप आनी रातच्या 11.30 वरांचेर आरती परिक्रमा आनी उपरांत कलेश्वर दशावतार नाट्य मंडळाचें नाटक जातलें. आयतार ता. 18 डिसेंबराक सकाळीं गौळणकाल्यान जात्रेची सांगाता जातली. सगळ्या भाविकांनी हाजीर रावपाचो उलो श्री देवी भराडी देवस्थान समितीन मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
