भांगरभूंय | प्रतिनिधी
दिवचल: गांवगिर्या वाठारांतले जनतेक रस्ते, वीज आनी उदक ह्यो मोलादीक सुविधायो उपलब्ध करून दिवचल मतदारसंघाचे उदरगती खातीर आपूण सदांच यत्न करतलों अशें उतर दिवचल मतदारसंघाचे आमदार डॉ. चंद्रकांत शेट्ये हांणी दिली. लाटंबरसे पंचायत वाठारांत दिवाण धाट – नानोडेंच्या रस्तो डांबरीकरण कामाचो शुभारंभ नाल्ल फोडून केल्या उपरांत ते उलयताले. भौशीक बांदकाम खात्या वतीन नानोड्यां नवें बांदकाम करतले.
ह्या कामाचो खर्च सुमार 42 लाख जातलो.
बर्याच काळा सावन ह्या रस्त्या खातीर, ह्या रस्त्याचें डांबरीकरण जावचें अशी ग्रामस्थांची मागणी आशिल्ली. हें काम आतां चालीक लागिल्ल्यान आदले सरपंच श्याम हरमलकार, पंच नीलम कारापुरकार आनी ग्रामस्थांनी आमदार डॉ. चंद्रकांत शेट्ये हांचे उपकार मानले.
ह्या वेळार सरपंच पद्माकर मलीक, जिल्हो पंचायत वांगडी प्रदीप रेवोडकार, पंच निलम कारापुरकार, आदले सरपंच श्याम हरमलकार, भौशीक बांधकाम खात्याची सहायक अभियंता रश्मी मयेंकार आनी थळावे व्हडा संख्येन हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
