भांगरभूंय | प्रतिनिधी
ऑफ स्पिनर मोहित रेडकारान (3-46) हाणें अखेरच्या खिणाक रोखड्योच दोन विकेटी घेतिल्ल्यान एलीट क गटांतले रणजी करंड क्रिकेट मॅचीच्या तिसऱ्या दिसा राजस्थानाचेर चेपण दवरपाक गोंयाक येस आयलें. पर्वरीच्या क्रिकेट अकादमी मैदानाचेर मॅच चालू आसा. तिसऱ्या दिसाचो खेळ सोंपलो त्या वेळार राजस्थानान पयल्या डावांत 6 विकेटी वगडावन 245 धांवड्यो केल्यात. अशे तरेन तो गोंया परस अजून 302 धांवड्यांनी फाटीं आसा.
गोंयान आपलो पयलो डाव 9 बाद 547 धांवड्यांचेर घोशीत केल्लो. ते पयलीं गोंयान काल आपल्या डावांत आनीक 54 धांवड्यांची भर घाली.
थोडे भितर धांवतकटोः गोंय (पयलो डाव) 9 बाद 547 डाव घोशीत (मोहित रेडकार 28, लक्ष्य गर्ग नाबाद 25 धांवड्यो, आराफात खान 3-105, अनिकेत चौधरी 2-97, कमलेश नगरकोटी 2-121, मानव सुतार 2-111), राजस्थान (पयलो डाव) 6 बाद 245 धांवड्यो (यश कोठारी 96, महिपाल लोमरोर 63, सलमान खान 40, अशोक मनेरिया 12, कुणाल सिंग राठोड खेळटा 20 धांवड्यो, मोहित रेडकार 3-46, अर्जुन तेंडुलकर 2-77).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
