भांगरभूंय | प्रतिनिधी
हेमा सरदेसाय: पेडणें शारांत काडली एड्स जागृताय रॅली
पेडणें: पालकांनी आपल्या भुरग्यांचे पालक जावपा वांगडा तांचे इश्ट-इश्टीण जावन उक्तेपणान चर्चा करची, असो उलो दितना राज्य आनी भारत एड्स मुक्त करुया अशें नामनेची गायिका हेमा सरदेसाय हांणी सांगलें.
उदांत संस्थे वरवीं पुराय राज्यांत एड्स विरोधी जनजागृताय करता. ताचोच एक वांटो म्हणून पेडणें शारांत एड्स जनजागृती रॅली काडली. रॅलीचें उक्तावण पेडणें मतदार संघाचे आमदार प्रवीण आर्लेकार, गोंयची नामनेची गायिका हेमा सरदेसाय, अनिता परेरा, मारिया फर्नांडीस, विमल भट आनी हेर हाजीर आशिल्लीं.
हेमा सरदेसाय हांणी फुडें सांगलें, पालकांनी आपल्या भुरग्यां कडेन एड्स विशीं चर्चा करची. लज नासतना तांकां एड्सा विशीं म्हायती दिवप गरजेेचें. एड्स पसून आमी कशीं पयस रावपाक शकतात, एड्स गोंय तशेंच भारत मुक्त जावपाक आमी कितें करपाक शकतां हाचेर चर्चा करची. चर्चा करपाक कोणेंच लजचें न्हय.
आमदार प्रवीण आर्लेकार हांणी गोवा एड्स मुक्त करपा खातीर दरेकल्यान वांटो घेवचो. दरेके सुवातेर वचून जागृताय करपाचो उलो तांणी दिलो.
ह्या वेळार पेडणें शांरात एड्स जनजागृती रॅली काडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
