भांगरभूंय | प्रतिनिधी
पुस्तकांत 25 व्यक्तिचित्रणांचो आसपाव
केरी-सत्तरी: कडतरी सोनाळ, वाळपय सत्तरीचे लेखक अशोक नेने हांच्या चित्पावनी भाशेंत व्यक्तीचित्रण आशिल्ल्या ’आमचे आमी’ ह्या पुस्तकाचें प्रकाशन जालें. साहित्य मंथन सत्तरी संस्थेन श्री सिध्देश्वर पंगड सालेली हांच्या जोड पालवान आयोजीत केल्ल्या तिसर्या गोंय राज्य पांवड्यावेल्या गांवगिर्या साहित्य संमेलनांत सालेली हांगा हो प्रकाशन सुवाळो आयोजीत केल्लो.
ह्या वेळार माचयेर लोकशाहीर संभाजी भगत, ज्येश्ठ पत्रकार संदेश प्रभूदेसाय, संमेलनाचे स्वागताध्यक्ष रघूनाथ गांवकार, साहित्य मंथन संस्थेचे अध्यक्ष आनी संमेलनाचे कार्याध्यक्ष गोपीनाथ गांवस, उपसरपंच रेशम रघुनाथ गांवकार, लेखक अशोक नेने हाजीर आशिल्ले.
नेने हांचीं ह्यान पयलीं चित्पावनी बोलींतल्यान ’खडतर जिणां’, ’काळजांतले कुकारे’ आनी ’चित्पावनी मार्गदर्शक’ अशीं तीन पुस्तकां प्रकाशीत जाल्यांत. ’ना घर ना दार’ हें चित्पावनी नाटकाचें पुस्तक प्रकाशनाचे वाटेर आसा. श्रीराज क्रिएशनान प्रकाशीत केल्ल्या अशोक नेने हांच्या ’आमचे आमी’ ह्या पुस्तकांत 25 व्यक्तिचित्रणां आसात.
आपल्या आशिकुशीक मेळिल्ल्या व्यक्तीं कडल्यान आपल्याक खूब कितें शिकपाक मेळ्ळें अशें नेने हांणी सांगलें. नेने हे चित्पावनी बोलीचो प्रचार, प्रसार करपा वांगडा ती सांबाळटा. तांचें चित्पावनी बोली फेसबूक पान, चित्पावनी बोली युट्यूब चॅनल आसात. ते दिसाळ्यांनी लघुकथा बरयतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
