भांगरभूंय | प्रतिनिधी
भांगरभूंय । प्रतिनिधी
वाळपयः सत्तरीं तालुक्यांतल्या मासोर्डे हांगच्या विनय गांवस हाका कर्नाटक आंतरराष्ट्रीय सिनेमा उत्सवांत तांगेल्या “तेंब” ह्या सिनेमाक उत्कृश्ट क्रिटिक्साचो पुरस्कार फावो जालो. हुबळी हांका जाल्ले इनाम भेटवण कार्यावळींत ताका व्हो पुरस्कार भेटयलो. ह्या पुरस्कारा खातीर गांवसाची तोखणाय चल्ल्या.
तेंब सिनेमाचो विशय साबार लोकांचे जिणे कडेन संबंदीत आसा. दरेकाक केन्ना ना केन्ना गर्व जाता. तातूंतल्यान कुटूंब उद्धस्त जावपाची पाळी येता. ताचें वास्तव आपणे ह्या सिनेमांत दाखोवपाचो यत्न केला अशें विनय गांवस हांणे सांगलें. सध्या मनीसपण सोपत चल्लां ताचें चित्रण आपणे तेंबांत केलां.
सिनेमा निर्मणे वेळार जायत्या जाणांनी म्हाका सहकार्य केलां. आपूण व्हो पुरस्कार तांकां ओपला अशें तांणे सांगलें. पुरस्काराक लागून फुडाराक दर्जेदार सिनेमा मिर्मणी करपाक म्हाका उर्बां मेळ्ळ्यांत. हांव गांवगिऱ्या वाठारांतलो कलाकार, म्हजे मदीं आशिल्लो कलेचो अंश विकसीत करपाचे नदरेन हांव जायत्या पांवड्यार यत्न करता. पुरस्काराच्या रुपान तांका फळ मेळ्ळां अशेंय ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
