भांगरभूंय | प्रतिनिधी
भांगरभूंय । प्रतिनिधी
दिवचलः खेळ आनी युवा वेव्हार खात्यान आयोजीत केल्ल्या दिवचल तालुको पांवड्या वयल्या अॅथलेटिक्स सर्तींत 13 भागरा पदकांनी पैरा हायस्कुलान मैदानी खेळांत वस्तादपण मेळयलें. पेंडे-म्हापशेच्या खेळा संकुलांत जाल्ले अॅथलेटिक्स सर्तींत पैराच्य विद्यार्थ्यांनी 13 भांगरा पदकां सयत रुप्याची 7 आनी कांस्यांची 5 पदकां मेळयलीं.
निकाल फुडले भशेन- रुषल गवंडर – 200, 400 आनी 800 मीटर धांवप (पयलो), रिले सर्त- 1 – त्रिशा हळदणकार, 100 मीटरआडमेळ्याची सर्त- 1- वैष्णवी मुंड्डेलहल, 1500 मीटर धांवप- पयलें, 800 मीटर धांवप (दुसरें), रिले (पयलें)- प्रतिका तलवार, सयानी घाटवळ, खुशी मयेकार, राधिका पुजारी, वंश गांवकार, निशाद पिसुर्लेकार, कांता घाडी, तेजस मयेकार, तुकाराम गोसावी, वैष्णवी वडार, दीपिका चिकोडी, रक्षंदा कळंगुटकार, तानिया हळदणकार हांणी आपल्या हायस्कुलांक पदका जिखून दिली.
हायस्कूल वेवस्थापन समितीचो अध्यक्ष दयानंद घाटवळ, वेवस्थापक राजेश कळंगुटकार, खेळा शिक्षक अलोक कोठंबीकार, मुख्याध्यापक बाळकृष्ण गांवस आनी जैतिवंत विद्यार्थ्यांक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
