भांगरभूंय | प्रतिनिधी
भांगरभूंय । खेळां मेज
पणजीः चिखली- वास्को हांगा आयतारा जाल्ले 12वे एसकेएफ गोंय रिव्हर मॅरेथॉनांत इथिओपियाच्या आदिन्यू मकोनेन आनी रायपूरच्या (छत्तीसगड) सतोविशा समाजदार हांणी दादले आनी बायलांचीं 42 किलोमीटरांची मॅरेथॉन जिखली. जाल्यार दापोलीच्या सिद्धेश बर्जे आनी वास्कोच्या सपना पटेलान हाप मॅरेथॉनांत जैत मेळयलें.
आदिन्यून मॅरेथॉन पुराय करपा खातीर 1: 41 :18 आनी सतोविशान 4: 09: 42 व्हो वेळ घेतलो. 21 किलोमीटरांच्या हॉफ मॅरेथॉनांत सिद्धेशान 1: 13 :38 आनी सपनान 1: 31: 21 व्हो वेळ घेतलो. हालींच आयर्नमॅन 70.3 गोंयचो चॅम्पियन थारल्ल्या निहाल बेगाक फकत 12 सेकंदांनी फाटीं उडोवन सिद्धेशान जैत मेळयलें.
10 किलोमीटरांच्या उक्त्या गटांत कोल्हापूरच्या प्रधान किरुळकरान 34ः10 मिनटांत आनी बंगळुरूच्या फरदीन फिरदोसान 42ः16 मिनटांच्या वेळा सयत दादले आनी बायलांच्या गटांत जैत मेळयलें. पयलेच खेप सुरू केल्ल्या 15 वर्सा पिराये सकयल्ल्या 5 किलोमीटरांच्या आंतर शालेय गटांत मुरगांव हायस्कुलाच्या विद्यार्थ्यांनी चलयांच्या आनी विद्या विहार हायस्कुलाच्या विद्यार्थिनीनीं चलयाचें सांघिक जैत मेळयलें. मुरगांव हायस्कुलाचो विकास पाल हो 5 किलोमीटराची सर्त 20ः59 मिनटांत पुराय करून सगल्यांत फास्ट चलो थारलो. जाल्यार ह्याच हायस्कुलाचें अचल गिरी 29ः59 वेळान फास्ट चली थारलें.
सर्तीचो निकाल – दादल्यांची 42 किलोमीटर मॅरेथॉनः 1) अदिन्यू मेकोनेन (इथिओपिया), 2) विनायक जांबोटकर (बेळगावी) , 3) नीलेश कुळये (लांजा, महाराष्ट्र). बायलांची 42 किलोमीटर मॅरेथॉन- 1)सतोविशा समाजदार (रायपूर), 2) नेत्रा पेलपकर (पुणे), 3) जसमिथा कोडेनकिरी (मंगळुरु),
दादल्यांची हाफ मॅरेथॉन (21 किमी)- 1) सिद्धेश बर्जे (दापोली, महाराष्ट्र), 2) निहाल बेग (पुणे), 3) टेडी कार्दोझ (वास्को). बायलांची हाफ मॅरेथॉन (21 किमी) 1) सपना पटेल (वास्को), 2) सिम्ता शर्मा (बेंगळुरू), 3) शिल्पा केंबळे (दापोली)
दादल्यांची 10 किमी सर्त- 1)प्रधान किरुळकर (कोल्हापूर), 2) हरिचंद्र वेळीप (कुडचडें), 3) बुलबुल अली (गुवाहाटी). बायलो 10 किमी – 1) फरहीन फिरदोस (बेंगळुरू) , 2) शिवानी चौरसिया (प्रयागराज, उत्तर प्रदेश), 3) निकिता मार्ले (विक्रमगड, महाराष्ट्र). शाळा 5 किमी सांघिक सर्त (चले)- 1) मुरगाव हायस्कूल, 2) विद्या विहार हायस्कूल, 3) माउंट लिटेरा झी शाळा, शाळा 5 किमी सांघिक सर्त (चलयो)-
1) विद्या विहार एचएस, 2) मुरगाव एचएस, 3) केशव स्मृती एच.एस.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
