भांगरभूंय | प्रतिनिधी
खबरां संस्था
एडिलेडः ऑस्ट्रेलियेन वेस्ट इंडिजाक आपल्या देशांत क्लीन स्पीक केलें. दोन टॅस्ट मॅचींचे माळेंत दुसरे टॅस्टींत तांणी 419 धावड्यांनी जैत मेळयलें. रनाचे बाबतींत ताची वेस्ट इंडिजाचेर हें सगळ्यांत व्हडलें जैत आसा. हाचे पयलीं ऑस्ट्रेलियेन गर गॅरी सोबर्स हांच्या पंगडाक 14 फेब्रुवारी 1969चे सिडनी टॅस्टींत 382 धांवड्यांनी हारयल्लें.
एडिलेडांत आयतारा खेळाच्या पांचव्या दिसा 497 ह्या लक्ष्याचो फाटलाव करतना वेस्ट इंडिजाचो डाव 77 धांवड्यांत सोपलो. तांचे वतीन शिवनारायण चंद्रपॉलाचो चलो तेगनारायण चंद्रपॉलान सगळ्यांत चड 17 धांवड्यो केल्यो. पंगडांतले हेर खेळगडे 10 आंकडो हुबवाक शकले नात. ऑस्ट्रेलिये वतीन मिशेल स्टार्क, मिचेल निसार आनी स्कॉट बोल्डनान दरेकी 3 विकेटी घेतल्यो. जैताचो हिरो ट्रेविस हेड प्लेयर ऑफदी मॅच थारलो. ताणे ऑस्ट्रेलियेच्या पयल्या डावंत 175 आनी दुसऱ्या डावांत नाबाद 38 धांवड्यो केल्यो.
ऑस्ट्रेलियेन आपलो पयलो डाव 7 बाद 511 धांवड्यांचेर आनी दुसरो डाव 6 बाद 199 धांवड्यांचेर घोशीत केलो. पयल्या डावांत मार्नस लाबुशेनान 163 धांवड्यो केल्ल्यो. दुसऱ्या डावांत उस्मान ख्वाजान 45, ट्रेविसान 38, स्टीव स्मिथान 35 , लाबुशेनान 31 आनी डेव्हिड वार्नरान 28 धांवड्यो केल्यो. वेस्ट इंडिजा खातीर अल्जारी जोसेफान 3 आनी रोस्टन चेजान 2 विकेटी घेतल्यो. वेस्ट इंडिजान आपल्या पयल्या डावांत 214 धांवड्यो केल्ल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
