भांगरभूंय | प्रतिनिधी
ऑस्ट्रेलियेचो बॅट्समन मार्नस लाबशेनान (नाबाद 120) वॅस्ट इंडिजा आड कालच्यान सुरू जाल्ले दुसरे टॅस्टीच्या पयल्या दिसा शेंकडो मारलो. ताचो हो सेगीत तिसरो शेंकडो थारलो. ताचे पयलीं डॅव्हीड वॉर्नरान दोन खेपे असो पराक्रम केला.
सध्या टॅस्ट रॅंकिंगेंत पयले सुवातेर आशिल्ल्या लाबशेनान दुसरे खेपे असो पराक्रम केलो. 2019त ताणें सेगीत तीन शेंकडे मारिल्ले. जाल्यार वॉर्नरान 2014 आनी 2015त अशें केल्लें.
लाबशेनाच्या शेंकड्याक लागून येजमान ऑस्ट्रेलियेन बरी सुरवात केली. पयल्या दिसाचो खेळ सोंप मेरेन ऑस्ट्रेलियेन 3 विकेटी वगडावन 330 धांवड्यो केल्यात. लाबशेना खेरीत ट्रॅव्हीस हेडान शेंकडो मारलो. तो 114 धांवड्यांचेर खेळटा.
वॅस्ट इंडिजा वतीन अल्जारी जोसेफ, जेसन होल्डर आनी ड्वेन थॉमस हाका दरेकी एक विकेट मेळ्ळी.
ऑस्ट्रेलिये वतीन ओपनर डॅव्हीड वॉर्नरान 21, उस्मान ख्वाजान 62 धांवड्यांची खेळी केली, जाल्यार मुखेली स्टिवन स्मिथाक खातें लेगीत उगडपाक जमूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
